Швейцариялық Inoks Capital Қазақстанда жем шығара бастады

Швейцарияның Inoks Capital компаниясы Қазақстанның агроөнеркәсіптік кешеніне  $100 млн. инвестиция салып, жемшөп өндірісін жақын арада іске қосады, ал бау-бақша салу жобасы COVID-19 пандемиясына байланысты өзгерді. Бұл туралы ҚР Ауыл шаруашылығы министрлігінің баспасөз қызметі хабарлады.

Inoks Capital делегациясын Ауыл шаруашылығы министрі Сапархан Омаров қабылдады. Inoks Capital Nabil компаниясының бас директоры және басқарма мүшесі Марк Абдул-Массихтің айтуынша, экструдталған жем шығаратын зауыттың құрылысы 97 пайызға аяқталған. Зауыттың қуаты жылына 60 мың тонна дайын өнім шығаруға жетеді. $18 млн. инвестиция салынған жоба «Қорғас-Шығыс қақпасы» АЭА аумағында жүзеге асырылуда. Қазіргі уақытта барлық құрылыс-монтаж жұмыстары аяқталды, зауыт жуырда іске қосылады.

Тақырыпқа байланысты оқу: Нұрлан Құралов: Халық денсаулығы фермерлік өнімдерге байланысты

«Зауыт пайдалануға берілгеннен кейін бұл компания мал шаруашылығына тиімді әсер ететін, жоғары сұранысқа ие құрғақ түйіршіктелген жем шығара бастайды», - деп атап өтті баспасөз қызметі.

Сонымен қатар, Inoks Capital 1000 гектар аумақта интенсивті жеміс бағын құруды және шырын шығаратын қайта өңдеу цехын құруды жоспарлап отыр. Бұл жобаның құны $ 82 млн құрайды.

Жақын арада Алматы облысының Еңбекшіқазақ (518 га) және Ұйғыр аудандарында (200 га) бақтар салу жоспарлануда.

Набил Марк Абдул-Массихтің хабарлауынша, өткен жылы компания алма, шие және қара өрік көшеттерін сатып алуға тапсырыс берген, бірақ пандемияға байланысты оларды жеткізу 2021 жылдың наурызына ауыстырылды. Болашақта Inoks Capital  мұздатылған жемістер, жеміс езбелері мен шырындар шығаруға ниетті. Қайта өңдеу зауытына арналған тоңазытқыш жабдықтары сатып алынды.

«Жемістерді өндіруге және өңдеуге салынған инвестициялар арқылы Алматы облысының екі ауданында 250 тұрақты жұмыс орны мен 1,5 мың маусымдық жұмыс орнын құруға мүмкіндік береді», - деп хабарлады баспасөз қызметі.