Қазақстанда АӨК-ке ұлттық қордан қаражат бөлінеді

Аталған дағдарыс уақытында АӨК-ті қолдау үшін іс-шаралар енгізу жөнінде ҚР Президенті Қасым –Жомарт Тоқаев, Сенат спикері Дариға Назарбаева және Премьер министр Асқар Маминнің атына ауыл шаруашылығы қауымдастықтары ұжымдық жолдау жазды.

Бұл хатқа еліміздің Ет одағы, Астық одағы, Фермерлер одағы, Көкөніс және картоп одағы, Жұмыртқа өндірушілер одағы және т.б. барлығы 11 қауымдастық қол қойды.

Жазылған ұсыныс екі бөліктен тұрады: алғашқы бөлімде: жақын уақытта істелуге тиіс жұмыстар, ол-көктемгі егін егу шаралары, екіншісі:  дағдарыс аяқталғаннан кейін, елдің ауыл шаруашылығын дамытуға көмектесуге байланысты жұмыстар.

«АӨК саласы халықты азық-түлікпен қамтамасыз етіп, ешқандай оқытусыз-ақ халықты жұмыспен қамтып, экспорттан валюталық пайда түсіріп, елдегі көптеген мәселені шешетін негізгі саланың бірі болып табылады», деп жазды хаттың авторлары.

ДПО-ны қаржыландыруға байланысты айтар болсақ, бұрын жоспар бойынша берілуге тиіс 70 млрд теңгені 250 млрд теңгеге дейін арттыру туралы ұсыныс жазылды. Бұл қаражат сарапшылардың айтуы бойынша, қазіргі теңге бағамы төмендеп, логистикалық жеткізулер қиындаған сәтте егіске дайындалып жатқан 50 мың фермердің қажеттілігінің жартысын ғана жаба алады.

«Қазіргі таңда ДКӨ-дегі негізгі қаражат-олардың жеке меншік ақшалары (80%), ЕДБ-ның үлесі үнемі төмендеуде. Аграрлық несие корпорациясы арқылы бюджет бөлу  тек 13% -ды ғана (22,5 млн.егіс алқабының 3 млн. га) қамтиды », деп жазылды бұл хатта.

Аталған жолдаудағы деректерге сәйкес, Қазақстан аграршыларының 70 пайызы өздерінің қаржылық жағдайларын былтырғы жылмен салыстырғанда жақсы еместігін айтқан.    Айналым үшін қаражат жетіспейді, ал оның салдарынан егін алқабынан түсім ала алмау қаупі бар.

Бұл мәселелерді шешу үшін хаттың авторлары ДПО-ны қаржыландыруды 250 млр теңгеге дейін арттыруды, ал күзгі егін үшін 150 млрд теңге бөлуді ұсынып отыр. Сонымен қатар, кепілдікке қоятын мүлкі жоқ аграршыларға әкімдіктер кепіл болып, қаржы беру керектігі жазылды.

Сондай-ақ қаржыландыру үшін  жергілікті атқарушы органдар жанындағы әрбір өңірде бар тұрақтандыру қорлары арқылы жаңа өнімді форвардтық сатып алу  ұсынылды.

Қосымша қолдау көрсету үшін  «ҚазАгро» холдингі арқылы несиелер бойынша төлемдерді кейінге қалдыру ұсынылды.