Жер ресурстары саласында жүргізілген аудит 1 млрд теңге көлеміндегі заң бұзушылықтарды анықтады

Республикадағы Есеп комитеті Жер ресурстарын дұрыс басқару ісіне аудит жүргізді. Аталған салада 365 заң бұзушылық, 272 жүйе кемшілігі анықталды, қаржылық жетіспеушілік 1 млрд 52,5 млн теңгені құрады. Бұл туралы есеп комитетінің баспасөз қызметі хабарлады.

Аудит қорытындысы бойынша елдегі жер ресурстарын басқару мемлекеттік органдар мен ЖАО функцияларының бытыраңқы болуының салдарынан бір орталыққа бірікпегендігінен болғандығы атап өтілді, бұл ретте олардың қызметі ауыл шаруашылығы министрлігі тарапынан үйлестіріліп, уйымдастырылмайтындығы ескертілді. Салада мәселелерді шешуде кешенді тәсіл жоқ.

Мемлекеттік жер кадастрындағы жерге қатысты ақпарат Жер қоры баланстарының деректеріне сәйкес келмейді. Ақпараттық жүйеде күші жойылған жер учаскелері туралы өзекті ақпарат пен мәліметтер жоқ, жер мониторингінің аэроғарыштық жұмыстарының, топырақ бонитетін, космомониторингті айқындау нәтижелері жоқ. Елдің 6 507 елді мекенінің 2 383-і (42%) бойынша аумақтардың шекаралары нақты белгіленбеген.

«Аймақтарға бөлу кезіндегі және жерді пайдаланудағы жер салығының мөлшерлемесін көтеру/ төмендетуде, сондай-ақ жер учаскелерін сатуда (жеке меншік құқығы мен жалдау құқығы) кадастрлық (бағалау) құнын есептеуде коэффициенттер белгіленеді. Алайда, жергілікті атқарушы органдар барлық елді мекендер бойынша бөле алмайды, олар тек ескірген материалдарды пайдаланады. Бұл алынатын жер салығының нақты мөлшерін бұрмалау, жер учаскелерінің құнын төмендетуге әкеледі» - деп атап өтті Есеп комитеті.

Тақырыпқа байланысты оқуЖерді алыпсатумен айналысушыларға қарсы қолданылатын шаралар заңмен бекітіледі

Сонымен қатар, аудит барысында ерекше қорғалатын табиғи аумақтардың жерін елді мекендер жерінің санатына ауыстыру арқылы жеке меншікке заңсыз беру фактілері анықталды. Қала маңындағы аудандардың елді мекендерінен тыс жерлерде ауыл шаруашылығы мақсатындағы жер учаскелерін ең төменгі мөлшермен заңсыз бөлудің (сегментациялаудың) көптеген фактілері байқалады.

Аудит қорытындысы бойынша, Есеп комитеті Үкіметке, ауыл шаруашылығы, цифрлық даму, инновациялар және аэроғарыш өнеркәсібі министрліктеріне, Жер ресурстарын басқару комитетіне, геодезия және картография комитетіне, сондай-ақ олардың ведомстволық бағынышты ұйымдарына, «Азаматтарға арналған үкімет» мемлекеттік корпорациясына, Ақмола, Алматы және Қарағанды облыстарының әкімдеріне ұсыныстар жіберді.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.