Қазақстанда шілде айы ыстық және құрғақ болады

Шілде айында Қазақстанның басым бөлігінде ауаның орташа температурасы ә»деттегі мөлшерден 1-2 градусқа жоғары болады, ал елдің солтүстік жартысында - нормаға жуық шамада болады деп күтілуде. Бір ай ішінде ауа – райының антициклональды түрі болады, яғни-ыстық және жауын-шашын  аз түседі деп болжануда. Тек кейбір күндері циклондардың ауысуымен қысқа мерзімді жазғы найзағай болуы мүмкін, жел секундына 15-25 метрге дейін тұрады. Бұл туралы Қазгидрометтің кеңес беру ауа райы болжамында хабарланды.

Синоптиктердің ақпараты бойынша, ҚР-дың батысында шілде айының бірінші онкүндігінде ыстық біртіндеп төмендеуі мүмкін деп болжануда. Түнде термометр + 19 +28°С-тан+12 +23°С-қа дейін түсіп, күндіз+30 +38°С-тан, оңтүстік-батыста+41°С-тан +24 +32°С-қа дейін төмендейді.

Қазақстанның солтүстік-батысында, солтүстігінде және орталығында температура келесідей шамада сақталады: түнде +15+25°С, күндіз +33+38° С, кей жерлерде 41° С, елдің оңтүстік жартысында - түнде +20+30°С, күндіз +37+45°С, таулы аудандарда +30°°, бірінші онкүндіктің соңында ыстық ауа 10-15° С төмендеуі мүмкін деп болжанады.

Ыстық ауа температурасы ҚР-дың шығысына да келеді: ауа температурасы түнде  +12+20°С-тан +20+28°С-қа дейін көтеріледі, күндіз +27+35°С-тан +33+41°С-қа дейін көтеріледі.

Тақырыпқа байланысты оқу: Ыстық ауа райы Қазақстанның орталығында егістікке қалай әсер етуде

Сондай-ақ, синоптиктердің хабарлауынша, айдың басында еліміздің батысында, солтүстік - батысында, 5 шілдеден бастап Қазақстанның солтүстігінде және орталығында, онкүндіктің соңында еліміздің оңтүстік жартысы мен шығысында найзағай ойнап, жел күшеюі (дауыл, шаңды дауыл тұруы) мүмкін.

Шілденің екінші онкүндігінің басында ҚР-дың батысы мен солтүстік-батысында ауа температурасы жоғарылайды деп болжанады, содан кейін онкүндіктің ортасынан бастап республиканың бүкіл аумағында температура жоғарылайды деп болжанады:

батыста және солтүстік-батыста: түнде +22+30°С дейін, күндіз +33+43°С дейін;

солтүстікте, орталықта және шығыста: түнде +15+23°С дейін, күндіз +28+39°с дейін;

оңтүстік және оңтүстік-шығыста: түнде +18+27°С дейін, күндіз + 35+43°С дейін.

Үшінші онкүндікте еліміздің оңтүстік жартысында ауа температурасы түнде +10+17°С-тан +17+25°С-қа дейін көтеріледі, күндіз 22+33°С-тан +30+38°С-қа дейін, солтүстік жартысында түнде +5+13°С-тан +13+20°С-қа дейін, күндіз +18+26°С-тан +26+33°С-қа дейін жоғарылайды деп болжануда.