ҚТЖ басшысы еріктілер тобы дайындаған шөпті Қазақстанның батысына жеткізу үшін көмектесуге уәде берді

Түркістан облысының еріктілері құрғақшылықтан зардап шеккен Маңғыстау облысының малшыларына көмек ретінде шөп жинады. Алайда олар оны жіберуде кедергіге тап болды, себебі ҚТЖ –ның тасымалдау қызметтеріне ақы төлеуді талап етті. Еріктілердің айтуынша, алдын ала жасалған келісім бойынша, теміржол әкімшілігінде шығындарды өз мойнына алуға уәде берген.

ҚР Ауыл шаруашылығы министрлігінің баспасөз қызметінен хабарлағандай, жағдайға ауыл шаруашылығы министрінің міндетін атқарушы Ербол Қарашөкеев араласқан. «Қазақстан темір жолы» Басқарма Төрағасы Нұрлан Сауранбаевпен телефон арқылы сөйлескен кезде екі тарап еріктілерге көмек көрсетуге келісті.

«Әңгіме барысында Ербол Қарашөкеев Түркістан облысы белсенділері жинаған шөпті тегін және жедел түрде жеткізіп беру туралы көмек сұрады. Ұлттық тасымалдаушы компанияның басшысы бұл мәселені бақылауға алып, көмек көрсетуге уәде етті», - деп хабарлады Ауыл шаруашылығы министрлігі.

Тақырыпқа байланысты оқу: Маңғыстау әкімі өңірге мал азығын жеткізуге субсидия бөлуді сұрауда

Жақын арада КТК телеарнасы  түркістандық еріктілер еліміздің батысына бес вагон шөп жөнелтпек болған. Алайда олардан мал азығын жеткізу үшін тасымалдау ақысын төлеуді талап еткендігі жайлы айтылды.

«Кеше біз осы бес вагонды жіберу үшін шөпті тиедік, бірақ бізге кенеттен, «жағдай өзгерді, енді тасымалдау үшін қаражат төлеу керек екендігімізді айтты. Әр вагон үшін 500 мың теңге талап етті. Сондай-ақ, тұрып қалған әр күнге бір вагон үшін 100 мың төлеу керекпіз. Біз шөпті екі күн бойы тиедік. Олар бізге былай деді: Біз сіздердің әрбір күндеріңізді есептейтін боламыз, әр тұрған күндеріңізге ақша қосылатын болады», - деді ерікті топтың мүшесі Мұрат Солтанбай.

Шөп тиелген вагондардың жанында тағы да он шақты шабындық түк жатыр. Енді еріктілер мұның бәрін қалай жеткізу керектігін түсінбейді. Егер олар жеткізу құнын  төлесе, келесі партия шөпті сатып алуға ақша қалмайды.

«Қазіргі кезде менде 7 млн теңге бар. Міне, тағы біреу 12 мың теңге аударды. Бұл ақшаның барлығын қарапайым адамдар жіберіп жатыр. Біз олардан шөп сатып аламыз. Бірақ егер осы шөпті тасымалдау үшін ақы төлейтін болсақ, жиналған бар қаражат осы вагонның құнына кетеді. Сөйтіп көмек көрсету шарасы осымен  тоқтайды», - деді атсалысып жүрген белсенді азамат Сайлаубай Мейірбеков.

Өз кезегінде ҚТЖ басшылары тегін тасымалдауға уәде бермегендерін мәлімдеді. Алайда, компания ерікті топқа көмек көрсетудің жолдарын қарастыратындықтары жайлы айтты.