Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Шығыс Қазақстанда күнбағыс майын рафинациялау цехы іске қосылады
09:15
Шығыс Қазақстан облысындағы Предгорное ауылында «Altyn Shyghys» ЖШС май зауыты базасында өсімдік майын рафинациялау және дезодорациялау бойынша цехтың құрылысы жүргізілуде. Жобаны іске асыруға салынған инвестиция көлемі 5 млрд теңгеден асты, деп ҚР Ауыл шаруашылығы министрлігінің баспасөз қызметі хабарлады.
Негізгі технологиялық жабдықтар толықтай орнатылып, іске қосу-баптау жұмыстары жүргізілуде. Нысанның құрылысын аяқтап, оны пайдалануға беру 2026 жылдың IV тоқсанына жоспарланған.
Жоба толық қуатына шыққаннан кейін кәсіпорын жыл сайын 160 мың тоннаға дейін рафинацияланған өсімдік майын және тамақ өнеркәсібінде және басқа да салаларда кеңінен қолданылатын 1,3 мың тонна лецитин өндіре алады.
Жобаны іске асыру Қазақстан ішінде майлы шикізатты қайта өңдеу көлемін едәуір ұлғайтуға, ауыл шаруашылығы өнімін пайдалану тиімділігін арттыруға, шығарылатын өнім ассортиментін кеңейтуге мүмкіндік береді.
Кәсіпорында 49 жұмыс орны құрылады.
