Алматы облысының Ақсу ауданында суару мәселесі шешілді

Алматы облысының Ақсу ауданында суармалы жерді суару мәселесі шешілді. Бұл туралы Экология министрлігінің Су ресурстары комитеті хабарлады.

Ведомствоның мәліметінше, өткен демалыс күндері Экология, Қазсушаруашылық және аудандық әкімдік өкілдері Ақсу ауылының бір топ тұрғындарымен кездесті, олар бақтар мен егіндіктерге судың жетіспейтіндігін айтып шағымданды. Кездесу барысында осы жағдай бойынша шешімдер қабылданды.

Өсімдіктердің  вегетациялық кезеңінде судың ағысы 19 текше метрді құрауы керек болатын, бірақ іс жүзінде биыл ол 5-6 текше метр суды құрады, нәтижесінде каналдың соңында орналасқан учаскелерге  су жетіспейтін. Сондықтан да осы жылдың ақпан айында осы каналдан су алатын Ақсу ауылдық округінің 18 шаруа қожалығы биылғы жылы дәнді дақылдар екпеді.

Қазіргі уақытта Ислам Даму Банкі қаржыландыратын жоба шеңберінде Кемерқұдық каналын қайта жаңарту ісі жүргізілуде. Аудан әкімдігі аталған жұмыстарды бақылауға алады, ал Қазсушаруашылық Алматы филиалының басшылығы ауылды сумен қамтамасыз ету үшін қажетті шараларды жасайтын болады.

Кездесу қорытындысы бойынша «Тамас» ЖШС Кемерқұдық каналының құрылысын аяқтап, суару кезеңіне дейін каналды  қысқа мерзімде тазарту тапсырылды. Бұдан басқа, жобаға енгізілмеген жұмыстар шеңберінде ескі темір-бетон науаларды қалпына келтіруді қамтамасыз ету жүктелді.

Сондай-ақ, облыстық Балқаш-Алакөл бассейндік инспекциясы арқылы Ақсу ауылына кіре берістегі Қарасу жер асты суларының, Кемерқұдық жер асты каналының жасанды су қоймасының иесі анықталатын болады. Содан кейін Ақсу ауылына үй маңындағы жер учаскелерін суару үшін су беру туралы шешім қабылданады.

Естеріңізге сала кетейік, ағымдағы жылы Алматы облысының бірқатар аудандарында суару мәселелерін бастан кешуде, соның салдарынан өңірде су беру жөннінде комиссия құрылды. Сондай-ақ, суаруға байланысты мәселелер  Қазақстанның оңтүстігінде туындап, егістік шығынына әкелді.