ҚР-да жылыжайларды қолдауға қосымша субсидия төленетін болады

Ауыл шаруашылығы министрлігі «Өсімдік шаруашылығы өнімінің шығымдылығы мен сапасын арттыруды субсидиялау ережесін бекіту туралы» бұйрыққа өзгерістер енгізді. Құжат қорғалған топырақта көкөніс өсіруді мемлекеттік қолдаудың қосымша шараларын қарастырады. Бұл туралы Ауыл шаруашылығы министрлігінің баспасөз қызметінен хабарлады.

Ведомствоның мәліметінше, қорғалған топырақта өсірілетін қызанақ пен қияр тұқымдарын сатып алу шығындарын ішінара өтеу қарастырылған. Бұл ретте элиталық тұқымдар мен бірінші ұрпақты будандардың тұқымдары бойынша субсидиялар өнеркәсіптік жылыжай кешендерінде топырақ жағдайында қызанақ пен қияр өсіретін ауыл шаруашылығы өндірушілеріне (ауыл шаруашылығы кооперативтеріне) берілетін болады.

Бұдан басқа, бұйрық бойынша ауыл шаруашылығы дақылдарын өнеркәсіптік жылыжай кешенінде жеке меншігінде немесе жерді пайдалану құқығында өзге санаттағы (ауыл шаруашылығы мақсатындағы емес) ауыл шаруашылығы өндірушілерімен (ауыл шаруашылығы кооперативімен) өңдеу кезінде тұқымдарға, тыңайтқыштарға, пестицидтерге (биоагенттерге) субсидиялар төлеу бойынша норма қарастырылған.

Тақырыпқа байланысты оқу: Нидерланды компаниялары Қазақстанның АӨК саласына 100 млрд теңге инвестиция салады

Сондай-ақ, аталған құжатта майлы және қарақұмықты қайта өңдеуге тапсырғаны үшін субсидия беру енгізілді

Аталған бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.