Қазақстандық аграршыларға жаңа бүріккіш көрсетілді

 Ақмола және Қостанай облыстарының шаруашылықтарында шілде айында LEEB 6.280 PT жаңа су бүріккішпен таныстырды. Бұл туралы CT AGRO хабарлады.

«Алты агрошаруашылықта дақылдарды гербицидтермен, инсектицидтермен өңдеу жүргізілді, сондай-ақ қоректендіру шаралары жасалды. Жаңа техникалық құрылғы аз отын жұмсай отырып, ауа-райының әртүрлі жағдайларында, тіпті секундына 6 метр жел тұрған кезде де  жақсы жұмыс істейтіні көрінді. Су бүріккіштің осындай  нәтижелері көрсетілген демонстрацияға қатысқан көптеген басқа шаруашылықтардың мамандары да жоғары бағалады», - деді компания.

Өңделетін өсімдіктердің биіктігі 10-нан 60 сантиметрге дейін болды, бұл HORSCH LEEB 6.280 PT бүріккішінің штангаларын жерден 30-дан 250 сантиметрге дейін қойып, өсімдіктерге дұрыс  қашықтықта жұмыс істеуге мүмкіндік берді.

CT AGRO атап өткендей, барлық жағдайда ауа-райы қолайлы болған жоқ және жоспарланған үш-төрт күн ішінде машинаны қолдануға мүмкіндік берді. Алайда, бір-екі ауысым ішінде бүрку әлі де мүмкін еді, бұл әр түрлі жағдайда технологияның тиімділігін бағалауға мүмкіндік берді.

«Шаруашылықтардың бірінде аталған  техника сағатына 20-25 шақырым жылдамдықты сақтай отырып, секундына 6 метрлік жел кезінде  7 сағат жұмыс істеді, бүрку сапасы да нашарламады, бір аптадан кейін егістік қайта тексерілгенде нәтиже жақсы екені байқалды. Бұл қорытынды демонстрацияға қатысушылардың барлығына әсер етті, өйткені желдің күші секундына 3 метр  бүркудің жалпы қабылданған нормасы болып саналады», - деп түсіндірді компания.

Жалпы, барлық жұмыстардың қорытындысы бойынша машинаның орташа жылдамдығы сағатына 25-30 шақырым және штангасының қармау ені 36 метр болғанда сағатына 70-90 га жерді қамти алатындығын көрсетті. Жұмыс барысындағы жылдамдығына байланысты отын шығыны 0,37-0,49 л/га – дан аспады-бұл қатысқан механизаторлар мен агрономдардың көпшілігі үшін нағыз күтпеген жағдай болды. Ал сыйымдылығы 6 мың литр резервуардан ерітіндіні енгізуге 80 минут кетті, оның ішінде 15 минут жанармай құюға жұмсалды.

«Біз демонстрация нәтижесінде тұтынушылардың пікіріне өте риза болдық. Көптеген шаруашылықтар үшін бүрку процесі және тиісті жабдықты сатып алу бизнестің өнімділігі мен кірістілігін арттырудың негізгі тәсілдерінің бірі болып табылады. HORSCH LEEB 6.280 PT бүріккіші бұл тұрғыда отынның да, өсімдіктерді қорғау құралдарының да ең аз шығындарымен және сонымен бірге өнімділігі жоғары түрлі дақылдардың егістерін өңдеу үшін тамаша құрал  болып табылады», - деп атап өтті CT AGRO компаниясының жетекші сатушысы Нұржан Нұрмағанов.