Қытай Қазақстанда 3,5 млн тоннаға дейін бидай сатып ала алады

Қытай Қазақстанда 3,5 млн тоннаға дейін бидай сатып ала алады. Бұл туралы ОКҚ брифингінде "Азық-түлік корпорациясы" ҰК" АҚ төрағасының орынбасары Самат Тенбаев мәлімдеді.

"Қазір күшейіп келе жатқан бәсекелестікке байланысты сәуір айынан бастап ҚХР нарығын ашу бойынша жұмыстар белсенді жүргізілуде. Онда инфрақұрылым-өткізу қабілеттілігі басты кедергі болып табылады. Алты айда шамамен 0,5 млн тонна жөнелтілді. Бұл тек азық-түлік корпорациясы ғана емес, астық нарығының барлық қатысушылары. Жақын мақсат - 1 млн тоннаға дейін жеткізу. Ал әлеует -3,5 млн, олар теориялық тұрғыдан бізден алып кете алады", - деді Самат Тенбаев.

Ол соңғы екі-үш жылда Қазақстанның дәстүрлі нарықтарында бидай мен оның өңделген өнімдерін өткізу бойынша бәсекелестік күшейіп келе жатқанын атап өтті - бұл Орталық Азия.

Оның айтуынша, Қазақстан шамамен 5 млн тонна бидай жөнелтеді.