ҚТЖ-да 1 қазаннан бастап астық тасымалдауды ұйымдастыру жөніндегі штаб жұмыс істейтін болады

«Қазақстан темір жолы» ұлттық компаниясы егін тасымалдауға дайын екендігін хабарлады. Бұл туралы «ҚТЖ - Жүк тасымалы» АҚ баспасөз қызметі хабарлады.

Егін тасымалдауды ұйымдастыру жайын «ҚТЖ» ҰК» АҚ басқарма төрағасының бірінші орынбасары Қанат Алмағамбетов онлайн-отырыста талқылады.

«Биыл астықты тасымалдауды ұйымдастыру жұмыстарына байланысты мәселелерді жедел шешу үшін 1 қазаннан бастап компанияның орталық кеңсесінде астық тасымалдауды ұйымдастыру жөніндегі штаб «ҚТЖ » ҰК» АҚ басқарма төрағасының бірінші орынбасарының басшылығымен жұмыс істей бастайды. Ақмола, Қостанай, Маңғыстау жол тораптарында тәулік бойы арнайы тоб жұмыс істейтін болады», - деп хабарлады баспасөз қызметі.

Қанат Алмағамбетовтың айтуынша, қазақстандық жабық вагондар паркі 13 мыңнан астам бірлікті құрайды, оның ішінде 8 мыңға жуық жабық вагондарды «Қазтеміртранс» АҚ басқарады. Астық тасымалдаушылар паркі 9 мыңнан астам бірлікті құрайды, олардың 6,5 мыңнан астамы «Астық Транс» АҚ басқарады. Бүгін аталған мекемелер астықты тасымалдауға дайын.

Сонымен қатар, компания күзде вагондардың жетіспеушілігі қаупін болдырмас үшін автопаркті тиімді пайдалану нұсқаларын талқылады. Атап айтқанда, вагондардың жетіспеуіне бір айдың ішінде тапсырыстың біркелкі болмауы әсер етеді, мысалы тәуліктік жүк тиеу 60 астық  вагоны болса, айдың екінші онкүндігінде өтініш саны күрт  өсіп, тәулігіне 1200 астық тасымалдайтын вагон қажет болады.

«Сарапшылардың бағалауынша, мәлімделген өнім көлемін экспорттау үшін вагондар айналымын азайту қажет. Сонымен, егер астық тасымалдаушының айналымы бір тәулікке азаятын болса, жылжымалы құрамдағы үнемдеу 550 астық тасымалдаушыға жетеді. Қозғалыс жылдамдығын арттыру үшін ҚТЖ Өзбекстанға және Орталық Азия елдеріне  пойыздар (астық және ұн тасымалы) жүргізуге дайын», - деп хабарлады баспасөз қызметі.

Сонымен қатар ауыл шаруашылық өнімдерін тасымалдайтын жүк жөнелтушілерді қолдауға бағытталған бірқатар шаралар туралы ескертті. ТМД тарифтік саясатының қолданыстағы тарифтеріне 2020 жылы Қазақстаннан астық жүктері мен ұнды Өзбекстан аумағы арқылы транзитпен тасымалдауға жеңілдіктер белгіленді. 1 наурыздан бастап 2020 жылдың соңына дейін бидай мен ұнды меншік түріне қарамастан вагондарда Ауғанстанға Өзбекстан аумағы арқылы транзитпен тасымалдауға жеңілдіктер берілетін болады.

Компания үстіміздегі жылдың 7 айында теміржолшылар 4,7 млн. тоннадан астам астықты тасымалдады. Оның ішінде республика бойынша - 1,3 млн тонна, бұл 2019 жылға қарағанда 2% жоғары, экспортқа - 3,4 млн тонна. ҚТЖ ҰК қаңтар-шілде айларында 1,5 млн. тоннадан астам ұн мен ұн тарту өнімдерін тиеді.

Өткен жылмен салыстырғанда астықты экспортқа тиеу 1,3 млн. тоннаға кеміген, оның ішінде Еуропа бағытына, Орталық Азия елдеріне, Иран мен Қытайға азайды. Трафиктің төмендеу себептері 2019 жылы егіннің аздығы, коронавирустық пандемияға байланысты экспорттық шектеулердің енгізілуі және басқада жағдайлар әсер етті. Сонымен қатар, ұн  өнімдерін тиеу Өзбекстанды қоспағанда, барлық бағыттар бойынша орта есеппен 43% өскендігі байқалады.

 

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.