Азық-түлік корпорациясы Тәжікстанға 100 мың тонна астық жеткізеді

2024 жылдың 10 айында Тәжікстанға 1 млн тоннадан астам қазақстандық астық экспортталды, бұл 2023 жылдың ұқсас кезеңінен 11%-ға артық (917,1 мың тонна). Азық-түлік корпорациясы 100 мың тонна бидай жеткізуді жоспарлап отыр. Бұл туралы Ауыл шаруашылығы министрлігінің баспасөз қызметі хабарлады.

Жаңа егіннің алғашқы 20 мың тонна азық-түлік бидайы Тәжікстанға жөнелтілді.

«Қыркүйектен желтоқсанға дейін тәжік нарығына жаңа егіннің қазақстандық астығын жеткізу көлемі өткен жылдың сәйкес кезеңімен салыстырғанда 51%-ға ұлғайып, 489 мың тоннаны құрады», - деп хабарлады АШМ.

Тәжікстан қазақстандық астық пен ұнның дәстүрлі тұтынушысы болып табылады. Бұл елге астық жеткізу жыл сайын артып келеді.