Трансұлттық компаниялар Қазақстандағы бірнеше «ет өңдеу» саласындағы жобаларға қатысатын болады

Қазақстанда шетелдік инвесторлардың қатысуымен мал шаруашылығына байланысты бірнеше ірі жобаларды жүзеге асыру жоспарлануда. Бұл туралы бүгінгі үкімет отырысында Ауыл шаруашылығы министрі Сапархан Омаров мәлімдеді.

«Министрлік облыс әкімдіктерімен бірлесе отырып, мал шаруашылығы өнімдерін қайта өңдеу саласына  трансұлттық компанияларды және инвесторларды қатыстыру бойынша шаралар жасауда. Tyson Foods компаниясымен сиыр етін қайта өңдеу секторына мал өткізу жөнінде келіссөздер жүргізілуде. Baumann компаниясымен қозы өсіру жобасы дайындалу үстінде», — деді министр.

Министрліктің басшысы Алматы облысында Baumann компаниясымен бірге қой етін өңдейтін заманауи кешен салынатынын айтты. Зауыт бес аймақта жұмыс істеу үшін бордақылау алаңдарының желісі құрылады. Ауыл шаруашылығы министрлігі мал бордақылау алаңдарының құрылысына инвестициялардың бір бөлігін субсидиялауды қарастырды.

Премьер-министр Асқар Мамин ет комбинатын келесі жылы іске қосу жоспарланғанын мәлімдеді. Бұл жоба қазірдің өзінде жергілікті қой  өсіретін фермерлерге қой санын біршама көбейтуге себеп болып отыр.

«Сыртқы нарықта қой етіне деген сұраныстың жоғары болуын және оны өндірудің өзіндік құнын ескере отырып, ұсақ ірі қара малдың санын көбейтуге ерекше назар аударуымыз керек. Бұл экспортты дамыту үшін қолайлы  жағдай туғызады», — деді Үкімет басшысы.

Ауыл шаруашылығы министрлігі басшысының айтуынша, қой шаруашылығындағы басты міндет — мал басын көбейту және кооперацияны дамыту. Қой шаруашылығындағы мұндай жоба Жамбыл облысында сәтті түрде жүзеге асырылуда.

Ірі қара малдың асыл тұқымын көбейтуге көп көңіл бөлінеді. Осы мақсатта 2018 жылы фермерлік шаруашылыққа несие беру бағдарламасы іске қосылды. Осы уақыт ішінде 1,5 мыңнан астам жеке үй шаруашылығы мал басын көбейтуге несие алды.

«Фермаларды құру арқылы бөлінетін инвестиция көлемі 350 млрд. теңге болады, сиыр етінің экспортын 2025 жылға қарай $370 млн-ға жеткізу жоспарланып отыр.Фермерлік шаруашылықтарда 42 мың жұмыс орны ашылатын болады» — деді С.Омаров.

Сонымен қатар, ол жыл аяғына дейін Нұр-Сұлтан мен Қостанай қалаларында заманауи ет өңдейтін екі кешеннің іске қосылатындығын айтты.

Сондай-ақ, өнеркәсіптік балық өсіру жобасын американдық АГКО компаниясы қаржыландыра бастайды.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.