АШМ мал экспортына квоталарды қайта бөледі

АШМ осы жылдың ақпан айынан бастап алты ай мерзімге бұқашықтарды (бордақылау алаңдары мен ауыл шаруашылығы өндірушілері үшін 30 мың басқа) және қошқарларды (бордақылау алаңдары үшін 30 мың, тауар өндірушілер үшін 90 мың) әкетуге квоталар енгізді. Бірақ наурыз айының ортасына қарай бордақылау алаңдарында бұқаларды экспорттаудағы шегі таусылды. Алайда, қазір АШМ бірқатар экспорттық лицензияларды қайтарып алуға байланысты квотаның бір бөлігін қайта бөлу туралы жариялады.

12 наурызға қарай 30 мың бұқадан мал бордақылаушыларға 29 986 бас ІҚМ әкетуге рұқсат берілді. Кейіннен барлық өтініш берушілерге 14 бастан астам әкетуге лицензия алуға өтінім беру кезінде дәлелді бас тарту беріледі.

АШМ деректері бойынша 4 мамырға дейін көрсетілетін қызметті алушылардың өтініштері бойынша ІҚМ экспортына бұрын берілген лицензиялардың қолданылуы тоқтатылды, олардың шеңберінде 2 380 басқа квоталар берілді, оның ішінде бордақылау алаңдары санаты бойынша – 1 380 басқа.

Ұсақ мал экспортына лицензиялардың қолданылуы тоқтатылды, олар бойынша 1 457 басқа, оның ішінде бордақылау алаңдары санаты бойынша – 957 басқа квоталар берілді.

«Осыған байланысты, лицензияның тоқтатылған қолданылуы шеңберінде пайдаланылмаған квоталар квоталардың жалпы лимитіне қайтарылды», - деп хабарлады АШМ.