Бірінші ірі СТФ Қарағанды облысында салынуда

Қарағанды облысында жыл соңына қарай Нұра ауданы Көбетей ауылында «Рамадан» заманауи сүт фермасын іске қосу жоспарлануда. Бұл аймақтағы алғашқы ірі СТФ болады. ElDala.kz командасы АгроКеруен Сүт 2024 кезінде фермаға барды.

Бүгінгі таңда «Рамадан» СТФ-да жоспарланған бес ғимараттың төртеуі дайын. Жоба менеджері Арман Нұржановтың айтуынша, ферманы құру жұмыстары 2023 жылдың тамыз айында басталған. Қаражаттың бір бөлігін жобаға меншік иесі инвестициялады, бір бөлігі Солтүстік Қазақстан облысының тәжірибесін тираждау бағдарламасы бойынша ӘКК арқылы тартылатын болады.

Ферма Астанаға дейін 80 км және Қарағандыға дейін 120 км жерде орналасқан. Жергілікті сүт зауыттарының өкілдері өңдеу үшін шикізат сатып алуға қызығушылық танытуда.

«Бүгінгі таңда инвесторлар үшін сүт саласы жобаларының тартымдылығы - табиғи шикі сүт өндірісінің тауашасы бос. Сондықтан ең бастысы - өнімді жақсы бағамен шығаруды бастау, ал сатып алушы өзікеледі. Сатылым мәселесі болмайды», - деді Арман Нұржанов.

«Рамадан» сүт фермасы «Черниговский и К» ЖШС-мен тығыз серіктестікте жұмыс істейтін болады. Өсімдік шаруашылығы жерлері СТФ жанында орналасқан. Биылғы жылы сүт жобасына арнайы 700 га суарумен дөңгелек үлгідегі жаңбырлату қондырғылары орнатылды. Бұл алаң 1100 сауын сиырды ұстау үшін сапалы жем-шөп қорын қалыптастыруға мүмкіндік береді - дәл осындай мал саны фермада жоспарланған. Олардың ішінде бір уақытта шамамен 900 бас сауылады. Сиырларды Еуропадан фермаға әкелу жоспарлануда, бұл жыныстық тұқыммен ұрықтандырылған голштин құнажындары болады.

Толығырақ материалдан оқыңыз: Сүтті мал шаруашылығы инвесторлар үшін немен тартымды

Айта кетейік, АгроКеруен Сүт 2024 серіктестері Westfalia-Қазақстан, KAZSEEDS компаниялары және Аграрлық несие корпорациясы болып табылады.