Қостанай облысында 12 мың ұсақ мал басына арналған бордақылау алаңы салынуда

Арқалық қаласында AB Agro-KZ компаниясы қуаты 12 мың бас ұсақ мал бордақылау алаңын салу бойынша инвестициялық жобаны іске асыруда. Инвестициялардың жалпы көлемі 1,5 млрд теңгені құрайды. Бұл туралы ҚР Ауыл шаруашылығы министрлігінің баспасөз қызметі хабарлады.

10 га алаңның құрылысын аяқтау және іске қосу 2025-2026 жылдарға жоспарланған.

Сонымен қатар, еділбай тұқымының 3 мың басына репродуктор құрылысы жүргізілуде. Жобаның жалпы құны 500 млн теңгені құрайды.

«Жобалар етті қой шаруашылығын дамытуға, өндіріс көлемін ұлғайтуға және өңірдің экспорттық әлеуетін арттыруға бағытталған», - деп атап өтті AB Agro-KZ.

AB Agro-KZ компаниясы нарықта шамамен екі жыл жұмыс істейді және қой мен ешкі өсіруге маманданған.