Қазақстанда СҚО тәжірибесі негізінде 54 сүт фермасы салынды
Қазақстанда Солтүстік Қазақстан облысының тәжірибесін тираждау жобасы бойынша жалпы қуаттылығы шамамен 342 мың тонна сүтті құрайтын 54 тауарлы-сүт фермасы салынды. Бағдарлама жалғасады, іске асыру сатысында 2026-2027 жылдары аяқталатын тағы 46 жоба бар. Бұл туралы ҚР Ауыл шаруашылығы министрлігінің баспасөз қызметі хабарлады.
Ведомствоның мәліметінше, жаңа фермалар жалпы сүт өндірісін 600 мың тоннаға ұлғайтуға және елдің ішкі қажеттілігін толығымен жабуға мүмкіндік береді.
Сүт, ет және мал шаруашылығы өнімдерінің басқа да түрлерін өндіруді ұлғайту мал шаруашылығын дамытудың 2026-2030 жылдарға арналған Кешенді жоспарының жобасында көрсетілген. Құжат AMANAT партиясы жанындағы аграрлық мәселелер жөніндегі республикалық кеңестің отырысында талқыланды.
Ауыл шаруашылығы вице-министрі Аманғали Бердалин құжаттың әзірленуі тікелей субсидиялардан жеңілдікті несиелеу құралдарына көшуге бағытталғанын хабарлады. Саланы қолжетімді қаржы ресурстарымен қамтамасыз ету жөніндегі шаралар басым тәртіппен қолдау тапты, олардың тиімділігі «Даму» кепілдіктерімен жылдық 5%-бен «Кең дала» бағдарламасымен расталды.
Етті мал шаруашылығын қолдау шеңберінде елде австралиялық тәжірибені енгізу бойынша алты жоба іске асырылуда, бұл 50 мың тоннаға дейін ет экспортын қамтамасыз етуге мүмкіндік береді. Ағымдағы жылы Түркістан облысында «Қайып Ата» ЖШС ет кластері толыққанды іске қосылады.
Жоспар жобасында асыл тұқымды және отарлы мал шаруашылығын дамытуға, өнімді қайта өңдеуге, сондай-ақ инвестициялық және айналым мақсаттарына жеңілдікті кредиттік бағдарламаларды іске қосуға ерекше назар аударылды. Кадрлармен қамтамасыз етуге, сала қызметкерлерінің әлеуметтік жағдайларына және ветеринарлық қауіпсіздікті нығайтуға ерекше назар аударылуда.