Үкімет Ветеринария агенттігін құру туралы бастаманы қолдамады

ҚР Премьер-Министрі Асқар Мамин Ветеринария агенттігін құру тиімді емес деп санайды, өйткені қазіргі кезеңде ветеринарлық қызметті күшейту бойынша шаралар қабылдануда. Үкімет басшысы бұл туралы Мәжіліс депутаттарының сауалына жауап берді.

Асқар Мамин атап өткендей, 2019 жылы ветеринариялық-санитарлық жағдайды қамтамасыз ету мақсатында «облыс-аймақ-аудан» қағидасы негізінде ветеринарлық бақылау орындары құрылды. Сонымен бірге бақылау функциялары жергілікті атқарушы органдардан және Қаржы министрлігі Мемлекеттік кірістер комитетінен АШМ-нің ветеринариялық бақылау және қадағалау комитетіне қайтарылды.

Қазіргі уақытта елімізде Ресеймен және Қырғызстанмен мемлекеттік шекара  аумағында 32 ветеринарлық бақылау бекеті жұмыс істейді, бұл мемлекеттік шекараның бүкіл ауданы бойынша тұрақты ветеринариялық бақылау жүргізуге мүмкіндік береді.

Сонымен қатар, «облыс-аудан-ауыл» қағидасы бойынша жергілікті атқарушы органдардың ветеринарлық қызметі құрылды. Ветеринарлық бөлімшелер аудандық деңгейде, қалалық деңгейде өкілдіктер шоғырланған. Сонымен бірге, ветеринария саласындағы бақылау және қадағалау функциялары қайтарылған кезде, комитеттің тиісті аймақтық инспекцияларына жұмысқа орналастырылған 694 штат бірлігі әкімдіктерден Комитетке берілді.

«Қазіргі таңда ветеринария саласын басқару құрылымын жетілдіру бойынша жұмыстар жасалуда. Ал жаңа Агенттікті құру кезінде қызметкерлер саны көбейеді. Мемлекет басшысының 2020 жылғы 1 қыркүйектегі Қазақстан халқына Жолдауына сәйкес, мемлекеттік аппарат пен квазимемлекеттік секторда жұмыс істейтіндерді қысқарту тапсырылған болатын. Осыған байланысты үкімет Ветеринария агенттігін құруды орынсыз деп санайды», - деді Асқар Мамин.

Тақырыпқа байланысты оқуАлматы облысындағы бордақылау орнында мал қырылды

Сонымен бірге, 2021-2023 жылдарға арналған ветеринарлық қызметті дамыту және нығайту бойынша кешенді іс-шаралар дайындалды. Аталған жоспарда малдың, ет өнімдері мен шикізаттарды қадағалау, ветеринариялық препараттардың сатылуы, жануарлардың ауруларын болжау, ветеринария саласында сапалы кадрлар даярлау және қамтамасыз ету бойынша іс-шараларды жүзеге асыру, жұмыс істеп тұрған ветеринария мамандары мен инспекторларының біліктілігін арттыру, ветеринария саласындағы цифрландыру және ветеринарлық қызметтің тиімділігін арттыру мәселелері қарастырылған.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.