Қазақстанда ауыл шаруашылық өнімдерінің экспортына салынған шектеулер алынып тасталынады

ҚР Президенті Қасым-Жомарт Тоқаев Қазақстан Республикасының 2025 жылға дейінгі ұлттық даму жоспарын бекітті. Аталған жоспардың мақсаттарының бірі - агроөнеркәсіптік секторды жаңа жағдайларға бейімдеу үшін реформалау.

«COVID-19 пандемиясының салдарынан туындаған жағдайлар мен бюджеттік шектеулер және мұнай бағасының төмендеуі агроөнеркәсіптік кешенді реформалауға және мемлекеттік ресурстарды ұтымды да дұрыс бөлу қажеттілігін талап етуде. Бұл 2025 жылы ауыл шаруашылығының жалпы өнімінің көлемін 1,3 есеге, агроөнеркәсіптік кешендегі еңбек өнімділігін 2,5 есеге ұлғайтуға және өңделген өнімнің үлесін 70% -ға жеткізуге мүмкіндік береді», - деп жазылған құжатта.

Қабылданған ұлттық жоспар мемлекеттің ашық сауда жасау және инвестицияларды қолдану саясатын жалғастыруын көздейді, бұл бәсекені күшейту, өнімділігі жоғары кәсіпорындарды қолдау және технологиялық тұрғыда жаңаруды қамтамасыз ету арқылы өсуге ықпал етеді.

«Елдегі кәсіпорындардың сыртқы нарықтағы беделін түсірмес үшін экспорттық шектеулер алынып тасталады» деп көрсетілген бұл құжатта.

Сондай-ақ, бюджеттік инвестициялық саясаттың мақсаты логистикалық нысандар мен шағын өндірісті, сонымен бірге ауыл шаруашылығы тауар өндірушілеріне қажетті инфрақұрылымды құру болып табылады.

Тақырыпқа байланысты оқу: ҚР-да АӨК –ке 5 жыл ішінде 4 трлн теңге инвестиция салу жоспарлануда

Сонымен бірге мемлекет білім мен ғылымға, цифрландыруға, агроөнеркәсіптік кешенде технологияларды қолдану мен енгізуге арналған инвестицияларды қабылдайтын болады.

«Агроөнеркәсіптік кешендегі санды технология мамандарының саны артатын болады және олардың біліктілігін арттыру жоспарланған. Бюджеттік бағдарламалар бойынша кадрларды даярлау / қайта даярлау және микро несие беру көбейеді. Сонымен қатар, аграрлық білімді реформалау аясында көптеген іс-шаралар қарастырылатын болады», - деп хабарлады Ұлттық палата.

Маңызды шарттардың бірі – пайдаланылмаған жер учаскелеріне салық құны артып, ауыл шаруашылық жерлерін тиімді пайдалану көзделген. Егістік алқаптарын әртараптандыру бойынша жұмыс жүргізіліп, мелиорация мен топырақты қалпына келтіру шаралары жасалатын болады.

Су заңнамасына қатысты фермерлер мен кәсіпорындарды суды тиімді пайдалануға жұмылдырылады және суды пайдаланудың тұйық циклын құру нормалары енгізіледі.

Ирригациялық және дренаждық жүйелерді қалпына келтіру, жаңа арналар мен су қоймалары салынады және суды үнемдеу шараларын жүзеге асыру жұмыстары одан әрі жүргізіледі.

Тақырыпқа байланысты оқу:  АӨК-ті дамытуға арналған Ұлттық жобада егістік жерлер арнайы бөлімде қарастырылатын болады

Бұл жобадағы тағы бір бағыт – ауыл шаруашылық тауар өндірушілерінің кооперациясын дамыту тәсілдерін енгізу және аймақтарда азық-түлік хабтарын құру болып табылады. Бұл жағдай оларға өнімдерін сату масштабын арттыруға қол жеткізуге, қолайлы сату тізбегін қалыптастыруға мүмкіндік береді.