К.Маркс құс фабрикасының атауы өзгертілді

Қарағанды облысында орналасқан К.Маркс атындағы құс фабрикасы атауын өзгертті: енді бұл мекеме Ushtobe Qus деп аталатын болады. Бұл туралы «Шаңырақ» компаниясының бақылау кеңесінің төрағасы  Максим Божко Facebook бетінде хабарлады.

Кеңес заманында бұл құс фабрикасы орналасқан ауыл Энгельс атауымен аталды, ал кәсіпорынның өзі Карл Маркс деп аталған еді.

«2009 жылы Арқалық өңірінде алғашқы құс фабрикасы іске қосылғаннан кейін бізге Қарағанды облысының Үштөбе ауылында банкротқа ұшыраған кәсіпорынды сатып алу ұсынылды. Банк оны қайтадан жаңартып, құру үшін несие берді», - деді Максим Божко.

Тақырыпқа байланысты оқу: Жұмыртқа өндіруші компаниялар Қытайға  экспортты ашуды сұрауда

Оның айтуынша, ол сол кездегі серіктесі Александр Лоренцпен бірге ел тарихын құрметтеуді шешіп, «құс фабрикасын К.Маркс есімімен атаған. 2010 жылдың соңында өндіріс қайта іске қосылып, 200-ден астам адам жұмысқа қабылданды. К. Маркс фабрикасынан бөлініп шыққан «Курочка Ряба» жұмыртқасы Қарағанды мен Астана өңірінде танымал болды.

Ал 12 жылдан кейін осы фабрикаға Ushtobe Qus деп жаңа атау беру туралы шешім қабылданды. Максим Божко айтып, түсіндіргендей, «уақыт өзгеруде» бұл жаңа атау фабриканың тұрған жеріне байланысты берілген.