Қазақстанда бір жыл ішінде 121 мал ұрлаушылар тобы жойылды

Қазақстан өңірлерінде мал ұрлығымен күресу үшін мал базарлары, мал сою орындары және ет саудасы бойынша рейдтер жүргізетін арнайы құрылған жедел-іздестіру топтары жұмыс істейді. Өткен жылы полицейлер 900-ден астам мал ұрлаушыларын ұстады. Бұл туралы бүгін брифингте ҚР ІІМ Криминалдық полиция департаменті басқармасы бастығының орынбасары Самат Құсетов мәлімдеді.

"Өткен жылдың қорытындысы бойынша ұйымдастыру шаралары мен мақсатты жұмыстардың нәтижесінде 900-ден астам мал ұрлығы, оның ішінде 121 қылмыстық топ ұсталды. Ұрланған 9 мың малдың 5 мыңға жуығы немесе 56% табылып, қайтарылды", - деді Самат Құсетов.

Тақырып бойынша оқу: Мал ұрлығы Қазақстандағы мал шаруашылығының дамуын тежеуде

Құрамына 15 адам кірген топтардың бірі Павлодар облысында әрекет етті. 18 мал ұрлығының жасалғаны дәлелденді, оның ішінде ұйымдасқан шаруашылық аумағынан мал ұрланған.

"Қаскүнемдер аптасына бір рет ірі шаруа қожалықтарының бірінен 1-2 бас ірі қара мал ұрлаған, содан кейін демалыс күндері Екібастұз базарларында ет өнімдерін сатқан", - деп атап өтті  ІІМ өкілі.

Ақмола облысында үш адамнан тұратын топ Атбасар ауданында ірі қара малын атуды кәсіп еткен. Кейіннен ет Нұр-Сұлтан базарларында сатылды.

ІІМ ақпараты бойынша, соңғы бес жыл ішінде қабылданған шаралардың нәтижесінде мал ұрлығының төмендегені байқалады. Егер 2017 жылы 7 мыңнан астам қылмыс тіркелген болса, 2021 жылдың қорытындысы бойынша олардың саны 2 мыңнан аспады.

Бұған дейін хабарланғандай, Қазақстанда мал ұрлығы үшін жаза қатаңдатылды. Қылмыстық топ жасаған және аса ірі мөлшердегі қылмыс үшін мүлкі тәркіленіп, 12 жылға дейін бас бостандығынан айыру түріндегі ең жоғарғы жаза көзделеді.