JAC Қазақстанда пикаптарды сату бойынша көшбасшы болды

Фото көзі: ElDala.kz

2026 жылдың маусым айының қорытындысы бойынша қазақстандық Allur автокөлік компаниясының құрамына кіретін JAC бренді 1600 көлік сату арқылы жыл басынан бергі сату көрсеткіші бойынша рекорд орнатты. Жалпы алғанда, JAC Motors Qazaqstan жылдың бірінші жартыжылдығын табысты аяқтап, 4745 көлік сатты және елдегі қытайлық автокөлік брендтерінің үздік бестігіндегі өз орнын нығайтты.

Пикаптар санатында JAC Қазақстанда көшбасшыға айналды: 2026 жылдың басынан бері компания JAC T9, JAC T8 және JAC T6 модельдерінің 656 данасын сатты. Бұл көрсеткіш ең жақын бәсекелесінің нәтижесінен айтарлықтай жоғары.

ElDala.kz командасы JAC T9 пикабына ерекше ілтипатпен қарайды және жол талғамайтын бұл қуатты көлікті жоғары бағалайды, өйткені ол біздің ауылдық аймақтардағы АгроКеруеннің күрделі бағыттарын еңсеруге екі рет көмектескен болатын. Осы күзде біз оқырмандарымызға күзгі егін жинау науқанының барысы туралы хабарлау үшін JAC T9 пикапында АгроКеруен Егін 2026-ға қайтадан жолға шығамыз.

«Пикаптар арасында жол талғамайтын көлікке тән мүмкіндіктерді, жүк көтергіштікті және жайлылықты үйлестіретін шынымен әмбебап модельдер кездеседі. JAC маркалы ең ірі пикап кең әрі қос қатарлы кабинамен, толық жетек жүйесімен, берік аспамен (артқы жағында рессорлары бар) және жақсы жабдықталған салонмен ерекшеленеді. Бұл T9-ды өз санатындағы теңгерімді ұсыныс ретінде қарастыруға мүмкіндік береді», - деп автокөлік сарапшылары атап өтті.

Естеріңізге сала кетейік, өткен көктемде АгроКеруен Егістік 2026 аясында танымал қазақстандық автоблогер Дияс Уәлихан біздің JAC T9 көлігімізді жүргізіп көрген болатын. Ол көліктің тас жолда да, жолсыз жерде де сенімді жүрісін, ұзақ сапарлардағы жайлылығын және заманауи мультимедиялық жүйемен жабдықталғанын ерекше атап өтті.

JAC T9-ды алғаш көргендердің бәрі дерлік оның әсерлі келбетіне — радиатор торының агрессивті пішіні мен жіңішке жарықдиодты фаралардың жыртқыш аңның көзіндей қысыңқы бітіміне бірден назар аударады. Мұндай керемет көлікті қалада да, ауылды жерде де жүргізу кез келген жастағы ер адамға ұнайтыны сөзсіз.

«JAC T9 — өте ірі көлік. Ол өзінің габариттерімен ғана емес (әрине, ұзындығы 5,33 метр және биіктігі 1,97 метр болатын бұл көлік шынымен де қомақты), ең алдымен, жолда немесе тұрақта бірден көзге түсетін айқын дизайнымен ерекше әсер қалдырады. Бұл жаңа модель сатылымға шықпас бұрын, бұдан гөрі агрессивті көрінетін пикаптарды көрмегенімізді сеніммен айтуға болады. Тіпті форд Raptor-дың өзі алдыңғы жағынан қарағанда салмақтылау әрі қарапайымдау көрінеді», - дейді сарапшылар.

Шолуларда JAC T9-ды фермерлер үшін таптырмас көлікке айналдыратын артықшылықтар да атап өтіледі: артқы жағы ашылатын 1,5 метрлік жүк платформасы, жоғары клиренс, толық жетек жүйесі және артқы жағындағы рессорлы аспа — осы ерекшеліктердің арқасында көлік бір тоннаға дейінгі жүкті тасымалдай алады. Сонымен қатар, сегіз сатылы автоматты беріліс қорабы мен қуатты бензин қозғалтқышының арқасында бұл пикап жүргізу кезінде жоғары жайлылықты қамтамасыз етеді.

«JAC T9 моделі N20TG 2,0 литрлік турбоналды төрт цилиндрлі қозғалтқышпен (224 ат күші, 390 Нм) жабдықталған. Бұл қозғалтқыш Blue Whale сериясына жатады, Mitsubishi қозғалтқыштарының конструкциясына негізделген және тікелей айдау жүйесімен ерекшеленеді. Оған АИ-92-ші бензин құюға рұқсат етілгенімен, дилерлер АИ-95-ші бензинді пайдалануға кеңес береді. Күрделі жөндеуге дейінгі болжамды жүріс ресурсы шамамен 300 000 шақырымды құрайды.

Қозғалтқыш сенімді Hyundai A8R50 8 сатылы автоматты беріліс қорабымен жұптастырылған. Ұқсас қорап, мысалы, Kia Mohave-ке қойылады.

T9 моделінің толық жетекті жүйесі — BorgWarner тарату қорабы, 2,48 қатынасымен төменгі сатылы беріліс және Eaton артқы доңғалақ аралық дифференциалды құлыптау бар классикалық part-time жүйе. Мұндай қарапайым әрі сенімді тораптарды істен шығару өте қиын», — деп атап өтті сарапшылар.

Рамалық пикаптың салмағы айтарлықтай болғанына қарамастан (T9-дың жабдықталған күйдегі салмағы — 2120 кг), ол тас жолда еш қиындықсыз жүреді әрі қуат қоры мол; оның 150 км/сағ максималды жылдамдығы магистральдағы көлік ағынымен бірқалыпты жүруге мүмкіндік береді. Оның үстіне, JAC T9-бен асфальт жолдан шығып жүру еш қиындық тудырмайды: аспасы жолдың кедір-бұдырын тамаша жұмсартады.

Жүргізушіге жайлылықты жабдықтар қамтамасыз етеді: Android/Apple қолдауы бар 10,4 дюймдік мультимедиалық жүйе, айналаны шолу камералары, бір аймақтық климат-бақылау, сымсыз қуаттау мүмкіндігі, жарық диодты фаралар, кілтсіз кіру жүйесі, жылытылатын және хромдалған бүйірлік айналар, шатырдағы рейлингтер, шыны люк, круиз-бақылау, 7 дюймдік цифрлық аспаптар панелі, шиналардағы қысымды бақылау жүйесі және қауіпсіздік жастықшаларының толық жиынтығы (соның ішінде перделер).

Жылыту опцияларындың жинағына алдыңғы орындықтарды жылыту кіреді.

АгроКеруен Егін 2026 жобасына қолдау көрсеткені үшін Allur автокөлік компаниясының құрамына кіретін JAC брендіне алғыс білдіреміз. Күзгі науқанның барысы туралы ақпаратты біздің порталдан оқып, АгроКеруен сапарынан youtube арнамыз бен әлеуметтік желілердегі парақшаларымыздан хабардар болыңыз.