ҚазАТУ ректоры тұрақтандыру қорларын жемқорлық схемаларынан қорғауға шақырды

Әлемдегі және Қазақстандағы ағымдағы экономикалық ахуал жыл басынан бері айтарлықтай өсіп жатқан азық-түлік бағасының одан әрі көтеру қаупін төндіруде. Сәкен Сейфуллин атындағы Қазақ агротехникалық университетінің ректоры Ақылбек Күрішбаев жағдайды тұрақтандыруға бөлінген бюджет қаражатын пайдалануға жауапты адамдардың барлық жемқорлық схемаларын, қателіктері мен кемшіліктерін жою қажет деп санайды.

Ақылбек Күрішбаев өзінің Facebook парақшасында Нұр-Сұлтан қаласында азық-түлікті тұрақтандыру қорын қалыптастыру барысымен танысқанын айтты. Елорда бюджетінен әлеуметтік маңызы бар азық-түліктің 18 түрінен қор сатып алуға 3,7 млрд теңге бөлігенімен, қосымша 1,5 млрд сұрастырылуда екен.

Тақырып бойынша оқыңызҚазАТУ ректоры сенат депутаттығына кандидат ретінде ұсынылды​

Аз ақша болмағанымен, мәселе оның халық үшін барынша ұқсатып, тиімді жұмсалуында болып отыр. Міне, осы жерде Ақылбек Күрішбаевтың қазіргі тәсілдеріміздің дұрыстығына күмәні бар.

«Бұрындары, қорларының тұжырымдамасы құрылған кезде өңірлік ӘКК біздің фермерлерден ауыл шаруашылығы өнімдерін сатып алып, оларды өз қоймаларына салып, баға шарықтау шегіне жеткен кезде сатады деп болжанған болатын болса. Енді барлық бөлінген ақшаны пайызсыз несие түрінде бірнеше ірі сауда компанияларына ұстата саламыз. Олар оның орнына белгіленген уақытта бекітілген бағамен сату міндеттемесін алады. Олардан көбірек және арзанырақ сатып алуға болмас па екен деген орынды сұрақтар туындайды. Ең ашындыратыны – бұл сауда компаниялары өнімді тек қазақстандық фермерлерден сатып алмайтындығында. Сонда біздің аграрийлер өсірген өнімін сата алмайды екен, ал біз қаржымызбен көршілерді қолдап отырады екенбіз ғой, - деп өзінің пікірін білдірді ҚазАТУ ректоры.

Тақырып бойынша оқыңыз: ҚазАТУ ректоры Ұлттық академия академигі атанды

Тұрақтандыру қорының Қазақстанның барлық облыстарында осындай схема бойынша жұмыс істейтінін ескеретін болсақ, мәселе бірнеше миллиардтаған теңге туралы болып отыр. Бұл басымызға түсіп тұрған қиын кезеңде аграрлық салада тұрақтандырушы рөл атқаратын маңызды дәлел екендігі сөзсіз. Алайда, қаражатты пайдаланудың ашықтығы мен тиімділігін қамтамасыз ету үшін қоғамдық бақылауды қамтамасыз ету қажет. Ақылбек Күрішбаев оны «Астана – адалдық алаңы» жобасының аясында ұйымдастырып, оны халықтың бақылауындағы ашық және нақты жүйеге айналдыруды ұсынды. Бұл жұмыс Нұр-Сұлтаннан бастау алуы қажет.

«Бюджет ақшасы», - деп айтуға дағдыланғанбыз, бірақ іс жүзінде оларды «халықтың ақшасы» деген дұрыс болар еді. Ол сіз бен біздің, біздің балаларымыздың ақшасы. Осылайша, «сырт қалуды» жалғастыратын болсақ, біздің қоғам оларды өзі бақылауды үйренбейінше, тәртіп орнамасы анық» - деп сөзін түйіндеді Ақылбек Күрішбаев.

Сергей Буянов

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.