Қазақстандық ауыл шаруашылығын өндірушілерге ислам елдерінің нарығына шығуға көмек көрсетіледі

Азық-түлік қауіпсіздігі жөніндегі Ислам ұйымы (АҚИҰ) қазақстандық тауарларды Ислам ынтымақтастығы ұйымына (ИЫҰ) мүше елдердің нарықтарына қатысуға жан-жақты көмек көрсетуге дайын. Бұл туралы аталған ұйымның өкілі QazTrade Сауда саясатын дамыту орталығының өкілдері қатысқан АҚИҰ семинарында айтты.

Бұр кездесуде айтылғандай, АҚИҰ осы ИЫҰ-ға  мүше 57 елдің жеке секторымен ақпарат алмасу және қарым-қатынас  байланыстарын ұйымдастыруға дайын. Сондай-ақ аталған мемлекеттерге қажетті ауыл шаруашылық өнімдерінің тізімін жасап береді. Ұйым сонымен қатар, ИЫҰ елдерінің нарығында сұранысқа ие қазақстандық тауарларды тасымалдау және сақтау процесінде көмектесе алады, деп хабарлады Қазақстан Республикасы Сауда және интеграция министрлігінің баспасөз қызметі.

«Айта кету керек, Ислам Ынтымақтастығы Ұйымы елдерін Қазақстан экспорттық тауарлар үшін және негізінен өңделген өнім үшін перспективалы нарық ретінде қарастырады», - деп атап өтті баспасөз қызметі.

Бұған дейін QazTrade ИЫҰ мүше-елдеріне нарықтық сараптама жүргізген. Қазақстанның Оңтүстік Азия елдерімен жалпы сауда айналымы 2,3 млрд. долларды құрайды, оның басым бөлігі Үндістанға (79,7% - 1,9 млрд. доллар), Ауғанстанмен сауда үлесі 402,2 млн. доллар (17,2%) болады екен.

«Оңтүстік Азия аймағының нарығын зерттеу барысында қазақстандық өңделген өнімдердің үлкен сұранысқа ие болатыны анықталды. Егер біз нарықа Ауғанстан арқылы кіруді қарастыратын болсақ, онда ұзақ сақталатын тағамдарды таңдауымыз керек, олар: ұн, кондитерлік өнімдер, консервілер. Біз сондай-ақ Үндістанда қазақстандық тауарларға деген сұраныстың жоғары екендігін байқаймыз», - деп атап өтті QazTrade бас директоры Арман Абенов.

Сондай-ақ Оңтүстік Азияда қазақстандық ұн мен кондитерлік өнімдер кеңінен танымал.

«Африка елдері қазіргі уақытта қарқынды дамып келе жатқан құрлық. Біз бұл жағдайды  қазақстандық бизнес үшін барынша пайда әкелетіндей қолдануымыз қажет», - деп атап өтті Арман Әбенов.

Жүргізілген зерттеулерге сәйкес, аталған құрлыққа фармацевтика және химия өнеркәсібі, тамақ өнеркәсібі, машина жасау, ауыл шаруашылығы және тау-кен өнеркәсібінің өнімдері қажет.

Африкада іс жүзінде ешқандай өндіріс жоқ. Сондықтан да дамып  келе жатқан  агроөнеркәсіптік кешенге бұл өнімдер қажет. Қазақстан Африка нарығына тыңайтқыштар мен минералдарды шығара алады. Сонымен қатар, Африка елдерінің басым көпшілігінің экономикасының негізі ауыл шаруашылығы болып табылады. Сондай –ақ бұл елдерде  ауылшаруашылық техникаларына деген қажеттілік артуда. Мұндай жағдайда еліміздегі  Павлодар трактор зауытының және басқа да қазақстандық кәсіпорындардың мүмкіндіктерін пайдалануға болады. Сондай-ақ, өңделген ауылшаруашылық өнімдерін: ұн, жарма, май және май, кондитерлік өнімдерді экспорттау мүмкіндігі бар, деп хабарлады баспасөз қызметі.