Қазақстан қалалары мен ауылдарындағы халық қалай тамақтануда

Статистика комитеті 2019 жылы Қазақстан халқы тұтынатын тағамның энергетикалық құндылығын есептеді.

Үй шаруашылықтарын саралап жүргізген зерттеу бойынша, халықтың 4,1% -ы 2019 жылы шекті деңгейден төмен калориясыз тамақтанатыны анықталды. Сонымен бірге, қалалық жерлерде бұл көрсеткіш 4,1% (2018 жылы - 4,5%), ауылдық жерлерде - 3,1% (2018 жылы - 3,7%) болды.

2019 жылы тұтынылған тамақ өнімдерінің энергетикалық құндылығы жан басына шаққанда 3254 ккал құрады. Ауылдық жерлерде халықтың тамақтануы калория бойынша есептегенде  қалалықтармен салыстырғанда(3197 ккал) жоғары (3333 ккал) екендігі белгілі болды.

Республиканың барлық аймақтарында халық тұтынатын тамақ өнімдерінің энергетикалық құндылық деңгейі энергия құндылығына қойылатын минималды шщекті талаптар деңгейінен асатындығы атап өтілді. Статистика комитетінің мәліметтері бойынша тұтынылатын тамақ өнімдерінің энергетикалық құндылығының ең жоғары деңгейі Түркістан және Шығыс Қазақстан облыстарында, ал ең төмені - Нұр-Сұлтан және Шымкент қалаларында екен.

Тамақ өнімдерінің химиялық құрамына келетін болсақ, статистикалық сараптамасы бойынша, халық көмірсуларды көп тұтынады. Ауыл тұрғындарының тамақтануындағы көмірсулардың (нан өнімдері мен жарма) үлесі қалалықтарға қарағанда жоғары. Қала тұрғындары арасында май мен ақуыз көп (ет және ет өнімдері, сүт өнімдері мен жұмыртқа) тағамдардың үлесі ауылдарға қарағанда жоғары екендігі мәлім болды.

 

Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.