Үкімет фермерлер үшін салықты алып тастау туралы ұсынысты қолдамады

Фото көзі: ElDala.kz

Үкімет басшысы Әлихан Смайылов Мәжіліс депутаттарының "Ауыл" фракциясынан әлеуметтік аударымдардан басқа, ауыл шаруашылығы өндірушілері үшін салық салудың барлық түрлерін жою туралы ұсынысын қолдамады. Сонымен қатар, ол қазір өндірістің, инвестициялардың, инновациялар мен жұмыспен қамтудың өсуін ынталандыру мақсатында жаңа Салық кодексін әзірлеу жүріп жатқанын хабарлады.

"Ауыл шаруашылығы саласы субъектілерінен алынатын салықтардың негізгі бөлігі (ҚҚС және КТС-тан басқа) жергілікті бюджеттердің кірістеріне түседі. Бұл саланы салық төлеуден босату жергілікті бюджеттердің жоғалуына әкеледі. Бұдан басқа, бұл прецедент туғызады және басқа салалардың субъектілері тарапынан осындай ұсыныстармен қосымша өтініштер жасауға әкеп соғады", - деді Әлихан Смайылов депутаттардың сауалына жауап бере отырып.

Статистика бойынша 2021 жылы республикада 241,4 мың ауыл шаруашылығы өнімін өндірушілер тіркелді, олар бюджетке 87,1 млрд теңге төледі. 2022 жылы олардың саны 248 мыңға дейін өсті, олар бюджетке 105,4 млрд теңге төледі.

Үкімет басшысы қолданыстағы салық заңнамасында бірқатар салықтық жеңілдіктер қарастырылғанын атап өтті:

• ауыл шаруашылығы өнімін өндірушілер мен ауыл шаруашылығы кооперативтері үшін арнаулы салық режимі (АСР) ;
• Шаруа немесе фермер қожалықтары үшін АСР;
• ауыл шаруашылығы өндірушілері үшін корпоративтік табыс салығы бойынша 10% мөлшерінде төмендетілген мөлшерлеме;
• агроөнеркәсіптік кешен саласындағы дайындаушы ұйымның бюджеттік субсидиясын қосылған құн салығынан (ҚҚС) босату;
• есепке жатқызылатын ҚҚС-тың қосымша сомасы; ауыл шаруашылығы өнімін қайта өңдеушілерге ҚҚС сомасы 70% - ға азаяды;
• жабдықтар, ауыл шаруашылығы техникасы, қосалқы бөлшектер, пестицидтер (улы химикаттар), барлық түрдегі асыл тұқымды мал және қолдан ұрықтандыруға арналған жабдық, ірі қара мал бойынша есепке жатқызу әдісімен импортталатын тауарларға ҚҚС төлеу.

2020-2021 жылдары үкімет бизнес-қоғамдастықпен бірлесіп ауыл шаруашылығы саласына салық салудың ұзақ мерзімді моделі бойынша ұсыныстар әзірледі.

"Салық салудың түрлі тәсілдері аграрлық сектор өкілдерімен де талқыланды. Атап айтқанда, Қазақстан фермерлер қауымдастығы, "Атамекен" Ұлттық кәсіпкерлер палатасы қолданыстағы режимдерді қолданудың орындылығын атап өтті. Талқылау қорытындысы бойынша шаруа және фермер қожалықтары үшін қолданыстағы салық жүктемесін (салық ставкасын) сақтау туралы шешім қабылданды", - деп хабарлады премьер.