Қазақстанда бес жаңа су қоймасы салынады

Фото көзі: ElDala.kz

Қазақстанның 11 өңірінде биыл бес жаңа су қоймасының құрылысын бастау жоспарлануда, сондай-ақ жұмыс істеп тұрған 15 нысан қайта жаңартылады. Бұл туралы Су ресурстары және ирригация министрлігінің ресми өкілі Мөлдір Абдуалиева хабарлады.

Оның ақпараты бойынша, жаңа су қоймалары суармалы жерлердің ауданын 250 мың гектарға ұлғайтады және 137 мың тұрғыны бар 70 елді мекенді су басу қаупін азайтады. 15 су қоймасын реконструкциялау 64 елді мекенді су басу қаупін азайтуға және 74 мың га суармалы жерге су беруді жақсартуға мүмкіндік береді.

Су тасқыны кезеңінің қорытындысы бойынша су ресурстарын басқару жүйесін дамытудың 2024-2030 жылдарға арналған Тұжырымдамасына өзгерістер енгізілетін болады. Президенттің тапсырмасы бойынша оған ауыл шаруашылығында одан әрі пайдалану үшін су тасқынының алдын алу және еріген су жинау пункттері кіреді.

Министрліктің мәліметінше, бүгінде Қостанай облысында су тасқыны шыңы өтіп, екі ірі су қоймасының орташа толтырылуы 92%-ды құрайды.

Солтүстік Қазақстан облысының екі ірі су қоймасы 100%-ға толды. Су тасқыны жалғасуда.

Батыс Қазақстан облысында төрт ірі су қоймасы орта есеппен 70%-ға толды. Ириклин су қоймасынан түсірілген су әлі Қазақстан шекарасына жеткен жоқ, бұл 15-20 сәуірде болады деп күтілуде.

Шығыс Қазақстан облысында үш ірі су қоймасының орташа толтырылуы 84,8% құрайды. Өңірде су тасқыны кезеңі басталды, сондықтан Ертіс су қоймаларының каскады бойынша су жіберу басталды.

Ақмола облысындағы екі ірі су қоймасының орташа толтырылуы 99% құрайды. Олардағы су тасқыны шыңы өтіп, салалары тұрақтанды. Қазгидрометтің мәліметінше, Жабай өзенінің реттелмейтін ағыны артып келеді, сондықтан Ақмола облысының Атбасар ауданында су тасқыны бар.

Ақтөбе облысында екі ірі су қоймасы 97%-ға толды. Өңірдегі жағдай тұрақты.

Қарағанды облысының төрт ірі су қоймасы толығымен толтырылды, облыста су тасқыны шыңы өтті. Жағдай тұрақты.