Қазақстанда экспорттаушыларды қолдаудың жаңа құралдары пайда болды

Фото көзі: ElDala.kz

Қазақстанның экспорттық-кредиттік агенттігі (ЭКА) қазақстандық өндірушілер-экспорттаушылар үшін жаңа қолдау құралдарын - экспорттық операцияларға кепілдік беруді және экспорттық несиелер бойынша пайыздық мөлшерлемелерді субсидиялауды іске қосады. Бұл туралы агенттіктің баспасөз қызметі хабарлады.

Жаңа кепілдік құралдары мыналарды қамтиды:

• экспорттық келісімшарт бойынша міндеттемелерді орындау кепілдігі;
• экспорттық келісімшарт бойынша аванстық төлемді қайтару кепілдігі;
• тендерлік кепілдік;
• банкке экспорттаушының міндеттемелерін орындауды қамтамасыз етуге берілетін кепілдік.

Экспорттық-кредиттік агенттікте атап өткендей, кепілдік беру құралдары тауарлардың, көрсетілетін қызметтердің/жұмыстардың экспортына бағдарланған қазақстандық өндірушілерге халықаралық тендерлерге қатысуға және экспорттық мүддесі жоғары елдердің нарықтарында шетелдік қатысуды кеңейтуге мүмкіндік береді.

Бұдан басқа, жаңа құрал экспорттық мәмілелер бойынша төлем міндеттемелерін қамтамасыз ету ретінде Қазақстанның Экспорттық-кредиттік агенттігінің кепілдігін беру есебінен аванстық төлемдерді алу кезінде импорттаушылардың қаражатын тартуды ынталандыратын болады. Экспорттық мәмілелерге кепілдік беру жөніндегі өнім шеңберінде базалық тариф 4,6% мөлшерінде белгіленген.

Сондай-ақ, ЭКА бұрын қолданыста болған қызметтерді – сақтандыру және қайта сақтандыру, экспорт алдындағы және экспорттық сауданы қаржыландыруды ұсынуды жалғастыруда.

«Өнім желісін кеңейту қызметтерді сыртқы нарыққа экспорттауға бағытталған. Бұл ретте кепілдік құралы банктік кепілдіктер мен шетелдік контрагенттер алдындағы міндеттемелерді орындауға кепілдік беру мәселелерін шешеді. Ресурстық емес экспортты дамыта отырып, біз экономиканы әртараптандыратын және тұрақты ете отырып, мемлекеттік қолдаудың негіздерін нығайтып жатырмыз. Бізде инновациялық өнімдер мен қызметтерді ұсынатын әлемдік нарықта үлкен әлеует бар», - деді Қазақстанның Экспорттық-кредиттік агенттігі басқармасының төрағасы Аллен Чайжүнісов.

ЭКА деректері бойынша, Агенттік 2024 жылдың бірінші жартыжылдығында отандық экспорттаушыларға 142,1 млрд теңге сомасына қолдау көрсетті. Жарты жылдың соңында сақтандыру портфелінің көлемі - 476 млрд теңге, экономикалық тиімділігі 650 млрд теңгені құрады.