АНК қолдауын алған қостанайлық аграрийлер егін жинауда

Фото көзі: АКК

Аграрлық несие корпорациясының қолдауының арқасында қостанайлық аграрийлер дәнді дақылдарды уақтылы егіп, қазір егін жинауда.

«Нұр Тоба» ЖШС Қостанай ауданында 20 жылдан астам дәнді дақылдар өсірумен айналысады. Шаруашылық басшысы Ермек Жұмабеков өткен аграрлық жыл ол үшін қиын болғанын айтты. Нөсер жаңбырдың салдарынан бидай сапасы төмен болып шықты және оның бағасы қуантпады. Егіс науқанын жүргізу үшін кәсіпорынның өз қаражаты жетіспеді. Сондықтан серіктестік көптен бергі серіктес – Аграрлық несие корпорациясынан көмек сұрады.

«Бізді «Тобыл» несие серіктестігі арқылы AНК қаржыландырады. Наурызда айналым қаражатына шамамен 130 млн теңге алдым. Бұл жанар-жағармай мен гербицидтерді сатып алуға мүмкіндік берді. Бүгінгі таңда AНК – фермерлер үшін мүмкіндігінше ашық және «Кең дала» және «Агробизнес» сияқты бағдарламалар бойынша тиімді шарттармен несие беретін жалғыз қаржы институты. Төлеу кестесі ыңғайлы: жаңа өнімді сатқаннан кейін өтей аламын», – дейді Ермек Жұмабеков.

Өңірдің басқа да ірі шаруашылығында – «Балталы LTD» ЖШС-де нан жинау белсенді жүріп жатыр. 2020 жылы басталған Аграрлық несие корпорациясымен серіктестік оған егін егуді уақтылы жүргізуге және егін жинауды бастауға мүмкіндік берді.

«Аграрлық несие корпорациясында біз жылдық 5% несие алдық. Кепілгер «Даму» АҚ болды. Бұл фермерлерге кепілдік жетіспейтін жағдайларда өте тиімді. Шағын пайыздық мөлшерлеме және ауыл шаруашылығына уақытылы несие беру - бұл АНК-мен ынтымақтастықта үлкен плюс», - дейді компанияның агрономы Василий Капистерницкий.

«Ауыл шаруашылығы тауарын өндірушілерді келесі циклге қолдау мақсатында егіс және егін жинау жұмыстарын уақтылы жүргізу үшін корпорация қарыз алушыларды сол шарттармен қаржыландыратын болады. Кепіл ретінде жылжымалы және жылжымайтын мүлік қабылданады. Қоғамның кепіл саясатына сәйкес қарыз сомасының 85% мөлшерінде «Даму» кепілдігі есебінен қаржыландыруға болады», - деп түсіндірді АНК филиалы директорының орынбасары Талғат Жүнісов.