FoodExpo Qazaqstan және QazPack 2024: ауқымы, инновациялары және әлемдік деңгейдегі сараптамалық бағдарламасы

Фото көзі: Iteca

13-15 қараша аралығында Алматыда «Атакент» ҚІЫО-да 26-шы Орта Азиялық халықаралық «Тамақ өнеркәсібі» FoodExpo Qazaqstan көрмесі және 21-ші Қазақстандық халықаралық «Орама, ыдыс, затбелгі және полиграфия» QazPack көрмесі өтеді. Бірлескен экспозиция азық-түлік, сусындар өндірісінің, жабдықтар жеткізушілерінің, қаптама индустриясының көшбасшыларын жинайды, сондай-ақ дебютант қатысушыларға өз өнімдерін бүкіл Орталық Азияға келушілердің кең аудиториясына көрсетуге мүмкіндік береді.

2024 жылы Австрия, Әзірбайжан, Беларусь, Бельгия, Венгрия, Германия, Грузия, Египет, Үндістан, Индонезия, Иран, Италия, Қазақстан, Қытай, Қырғызстан, Латвия, БАӘ, Палестина, Польша, Ресей, Словения, АҚШ, Таиланд, Түрікменстан, Түркия, Өзбекстан, Украина, Франция, Швейцария, Шри-Ланка, Оңтүстік Корея сияқты 32 елден 480-ден астам компания көрмелердің экспоненттері болды. Ұлттық стендтермен Австрия, Беларусь, Қырғызстан, Палестина, Польша, Шри-Ланка, Оңтүстік Кореяның компаниялары өздерін таныстырады. Ал Германиядан, Қытай провинцияларынан және Ресей Федерациясының аймақтарынан өндірушілер ұжымдық стендтер арқылы өздерін көрмеде ұсынады.

Биыл экспо-алаңдар өз ауқымының ұлғаюын көрсетуді жалғастыруда. Экспозиция алаңының өсуінен басқа, қатысушылар құрамы мен олардың географиялық әртүрлілігі де кеңейді — қатысушылардың 54%-ы дебютант компаниялар. Алғаш рет 262 компания өз стендтерін көрсетеді. Экспоненттер санының өсуі және елдердің алуан түрлілігі, олар ұсынатын өндіріс пен технологиялар сараптамалық іскерлік бағдарламамен қатар іс-шараларға кәсіби келушілер санының өсуіне тікелей ықпал етеді.

Тұңғыш рет QazPack 2024 көрмесінде FreshPack Solutions (Беларусь), Ырыс (Қазақстан), MarkJet (Ресей), Хоперская Упаковка (Ресей), FinnPak (Финляндия), Innova Pack (Түрікменстан) және Euro Trade (Өзбекстан) сияқты қатысушылар стендтермен өздерін таныстырады. FoodExpo Qazaqstan көрмесіне қатысушылар арасында CIS Market (Қазақстан), Сегех (Швейцария), Gostol (Словения), Fava S. P. A (Италия), Denozli Ozstar (Түркия), Diosna Dierks & Söhne Gmbh (Германия), Storm Technologies (Қазақстан), Единая Торговая Система (Ресей / Қазақстан), Фаворит Техно (Қазақстан) сияқты сала көшбасшылары бар, бұл халықаралық аренадағы іс-шараның маңыздылығын көрсетеді. 

Саланың барлық мамандары үшін көрме жұмысының үш күні ішінде Food Forum Qazaqstan 2024 ұйымдастырылады, ол оқыту тренинг-сессияларын, технологиялық семинарларды, B2B-алаңдарды және сараптамалық талқылауларды біріктіреді, олардың негізгі тақырыптары тамақ және орау индустриясын дамытудың негізгі мәселелерін қарауға бағдарланатын болады. Көрменің ашылу күнінде мемлекеттік құрылымдар мен салалық сарапшылар өкілдерінің қатысуымен «Қазақстанда жасалған» брендін ілгерілету: ішкі реформалардан халықаралық нарықтарға» атты Пленарлық сессиясы өтеді.

Сонымен қатар, іскерлік бағдарлама мазмұнына Анна Бакурскаяның практикалық оқыту мастер-класстары енгізіледі – ритейл және тамақ өнімдері мен сусындар өндірісіндегі компаниялар үшін категориялық менеджмент және басқару стратегияларын құру жөніндегі тәжірбиеші сарапшы. Көрмеге келуші кең аудитория үшін бизнес тренинг-сессиялары өткізіледі:

• Пайда әкелетін өнер: Ритейлде ассортиментті басқару;
• Желілермен жұмыс істеу кезіндегі мифтер. Желілерге дұрыс кіру ережелері;
• ЖИ-ді ассортиментті басқаруда көмекші ету. Практикум дайджест: ЖИ-ді жұмыста қолдану.

Lubrication Systems және Linde Gas компанияларының тәжірбиеші сарапшылары технологиялық қызмет көрсету шығындарын азайтуға және электр тұтынуды азайтуға бағытталған технологиялық семинарлар өткізеді.

Дәстүр бойынша алаңда ритейл-орталық жұмыс істейді – Қазақстан мен Орталық Азияның сауда желілері мен дистрибьюторлары арасында тікелей келіссөздер. Өткен жылы ғана шамамен 820 b2b-келіссөздер өткізілді, бұл бизнес өкілдері арасындағы осы форматтағы өзара әрекеттесуге жоғары сұраныстың бар екенін көрсетеді.

Кәсіби білікті қазылар алқасы, Қазақ тағам академиясының төрағалығымен, «FoodExpo Qazaqstan 2024 көрмесінің ең үздік өнімдері» атты жыл сайынғы кәсіби байқау-дегустациясын өткізіп, тамақ және сусын өнімдерін бағалайды. Өнім үлгілері ең жоғары бағаға ие болған компанияларға «FoodExpo Qazaqstan 2024 көрмесінің ең үздік өнімі» Құрмет дипломы және Алтын медалі табысталады. 

Сонымен қатар, Қонақжайлылық және тазалық индустриясы өкілдері үшін Horex&Clean Expo Qazaqstan көрмесі мен форумы өткізіледі.

Көрмені Қазақстандық Iteca көрме компаниясы және оның халықаралық серіктесі – ICA Eurasia компаниялар тобы ұйымдастырады.

Ресми қолдау: ҚР Сауда және интеграция министрлігі, Алматы қаласының әкімдігі, Қазақ тағамтану академиясы.

Көрменің ресми серіктесі – Польшаның Ауыл Шаруашылығын Қолдау Бойынша Ұлттық Орталығы, Креативті серіктесі – Catharsis Group.

Іскерлік бағдарламаның кестесімен, қатысушылар тізімімен және басқа да толық ақпаратпен іс-шаралар сайттарында танысуға болады:

• https://foodexpo.kz/ru/
• https://qazpack.kz/ru/