Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Қазақстанда ауыл шаруашылығы өндірісі 13,4%-ға өсті
Кеше
Қазақстанда ауыл шаруашылығы өнімін өндіру көлемі 11 айда 13,4%-ға өсіп, жылдық жоспар 11,6%-ға артығымен орындалды. Жыл басынан бері жалпы өндіріс 7,8 трлн теңгені құрады, деп хабарлады Үкіметтің баспасөз қызметі.
ҚР ауыл шаруашылығы вице-министрі Азат Султанов Үкімет отырысында бұл өсім өсімдік шаруашылығындағы өндіріс көлемін 19,9%-ға, мал шаруашылығындағы өндіріс көлемін 3,2%-ға ұлғайту есебінен қамтамасыз етілгенін хабарлады.
«Орташа өнімділігі гектардан 16,1 ц болатын өсімдік шаруашылығында 26,7 млн тонна астық, оның ішінде бидай – 19,8 млн тонна, күріш – 563 мың тонна бастырылды. Сондай-ақ, 2,9 млн тонна картоп, 3,9 млн тонна көкөніс, 3,2 млн тонна майлы дақылдар және 300 мың тонна мақта жиналды. Мал шаруашылығында сою салмағындағы ет өндірісінің 4%-ға, сиыр сүтінің 4,4%-ға және тауық жұмыртқасының 1,2%-ға өсуі байқалды», — деді Азат Сұлтанов.
Жыл басынан бері азық-түлік өндірісі 2,1%-ға артып, 3 трлн теңгеге жетті. Ауыл шаруашылығы министрлігінің мәліметінше, ірімшік пен сүзбе өндірісі 8,7%-ға, шұжық өнімдері 4,1%-ға, сары май 2,9%-ға және өсімдік майы 12%-ға ұлғайды.
«Жыл соңына дейін осы саладағы өсімді дәнді, майлы дақылдарды өңдеу және қант өндіру есебінен көріп отырмыз. Сала дамуының өсу қарқынын төмендетуге жол бермеу мақсатында келесі жылы көктемгі егіс және егін жинау жұмыстарын қаржыландыру көлемі 700 млрд теңгеге дейін, ауыл шаруашылығы техникасының жеңілдікті лизингі 200 млрд теңгеге дейін жеткізілетін болады. 1,9 млн тонна минералды тыңайтқыштар енгізу және элиталық тұқымдардың үлесін 10,5%-ға дейін арттыру жоспарлануда», — деді Азат Сұлтанов.
