Азық-түлік корпорациясы өңірлерге 83,2 мың литр күнбағыс майын жеткізді

Фото көзі: ElDala

Азық-түлік корпорациясы Ақмола облысындағы Кokshe, Қызылорда облысындағы «Байқоңыр» және Қарағанды облысындағы «Сарыарқа» ӘКК-мен белгіленген бағамен 83,2 мың литр күнбағыс майын жеткізуге үш келісімшарт жасасты. Өнімнің бір бөлігі өңірлерге жеткізілді. Бұл туралы корпорацияның баспасөз қызметі хабарлады.

Атап айтқанда, 20,8 мың литр көлеміндегі дайын өнім Қарағанды облысындағы «Сарыарқа» әлеуметтік-кәсіпкерлік корпорациясының тұрақтандыру қорына жөнелтілді.

«Дайын өнім көлемінің бір бөлігі қазірдің өзінде сауда желілері арқылы бөлшек саудада сатуға бағытталған, ӘКК күнбағыс майының қалған көлемін ауылшаруашылық жәрмеңкелерінде сатуды жоспарлап отыр. Негізгі міндет - өңірлердің халқы үшін әлеуметтік маңызы бар өнімнің қолжетімділігін қамтамасыз ету», - деп атап өтті Азық-түлік корпорациясында.

Kokshe ӘКК азық-түлікпен қамтамасыз ету және сауда департаментінің директоры Алма Әбдірахманованың айтуынша, күнбағысты форвардтық сатып алу бағдарламасы ауыл шаруашылығы өндірушілері мен өңдеуші кәсіпорындарға нақты қолдау көрсетеді.

«Дайын өнім Көкшетау қаласының 20 дүкеніне, оның ішінде «Низкоцен» және «Союз» сауда желілеріне келіп түсті. Сонымен қатар, ӘКК екі облыстық жәрмеңкеге қатысты, онда 3,5 мың литр күнбағыс майы сатылды. Белгіленген әлеуметтік баға сатып алушылар тарапынан жоғары сұранысты қамтамасыз етті, өтінімдер бізге апта сайын түсіп жатты. Нәтижесінде біз өңір тұрғындарын қолжетімді бағамен сапалы маймен қамтамасыз ете алдық», - деді ол.

Байқоңыр ӘКК да тұрақтандыру қорын қалыптастыру үшін Азық-түлік корпорациясынан 20,8 мың литр күнбағыс майын сатып алды.

«Дайын өнімді форвардтық сатып алу бағдарламасына қатысу бізге баға ауытқуларына уақтылы ден қоюға және халыққа әлеуметтік маңызы бар азық-түлік өнімдерін жеткізуді қамтамасыз етуге мүмкіндік береді. Бүгінгі таңда ӘКК қолда бар қорларды 37 әлеуметтік дүкен арқылы сатуда. Мұнда аймақ тұрғындары күнбағыс майы мен басқа да азық-түлік тауарларын қол жетімді бағамен сатып ала алады. Майдың жаңа партиясын жеткізу қажет болған жағдайда жүзеге асырылады. Біз Азық-түлік корпорациясымен ынтымақтастықты өңірдің азық-түлік қауіпсіздігіне ықпал ететін стратегиялық маңызды және келешекті бағыт ретінде қарастырамыз», - деп атап өтті «Байқоңыр» ӘКК тұрақтандыру қорының жұмысы басқармасының басшысы Серікбай Мейрамбек.

Еске салайық, 2024 жылғы наурыз айында ұлттық астық операторы күнбағыс өсіруге маманданған шаруаларды алдын ала төлем негізінде қаржыландырған болатын. Астықты  жинағаннан кейін ауылшаруашылық тауар өндірушілері шикізатты «OskemenAgroProdukt» зауытына жіберіп, ол күнбағыс майының үш партиясын, сәйкесінше, 41,6 мың литр, 20,8 мың литр және 20,8 мың литр май өндірді. Дайын өнім Азық-түлік келісімшарт корпорациясының иелігіне түсті.

Форвардтық қаржыландыру бағдарламасы фермерлерді қолжетімді қаржылық ресурстармен қамтамасыз етіп қана қоймайды, сондай ақ ауыл шаруашылығы өнімдерін ішкі нарыққа кепілдендірілген жеткізуді қамтамасыз етеді, қайта өңдеуді ынталандырады, азық-түлік тауарларының қолайлы бағасын қалыптастыруға ықпал етеді.