Қазгидромет күзге арналған ауа райы болжамын жариялады

Фото көзі: ElDala.kz

Қазгидромет Қазақстанда 2025 жылдың қыркүйек - қараша айларына арналған маусымдық ауа райы болжамын шығарды. Күзде Қазақстанның көптеген аймақтарында ауа температурасы нормаға жақын болады деп күтілуде, ал жауын-шашын мөлшері көпжылдық шамада болжанады.

Маусымдық консультациялық болжамға сәйкес, қыркүйекте Қазақстанның үлкен аумағында орташа айлық ауа температурасы нормаға жуық, республиканың батыс өңірлерінде және елдің солтүстік-батысының жекелеген аудандарында – нормадан 1° жоғары, ал елдің солтүстік-шығысында, шығысында және оңтүстік-шығысында – нормадан 1° төмен болады деп күтілуде (норма: +ҚР көп бөлігінде 10+16°С, елдің оңтүстік жартысында +17+21°С, республиканың оңтүстік-шығысы мен шығысындағы таулы аудандарда +4+9°С).

Қазан айында аяздың ықтималдығы артады, орташа айлық ауа температурасы республиканың үлкен аумағындағы нормаға жуық, елдің батысында, оңтүстігінде, оңтүстік-шығысында 1°-қа жоғары болады деп болжанады (норма: ҚР көп бөлігінде +3+9°С, оңтүстікте, оңтүстік-батыста +10+14°С, республиканың оңтүстік-шығысы мен шығысындағы таулы аудандарда -1+2°С).

Қараша айында республиканың үлкен аумағында ауа температурасы нормадан 1-2° жоғары, тек елдің қиыр оңтүстігінде және оңтүстік-шығысында - нормаға жақын (норма: ҚР көп бөлігінде -7+1°С, елдің оңтүстігінде – +2+7°С) болжанады.

Күзде жауын-шашын мөлшері негізінен көпжылдық мәндерге жақын болады деп болжануда, бірақ облыстар бойынша олардың таралуы біркелкі емес деп күтілуде:

• қыркүйек айында жауын-шашын республиканың басым бөлігінде нормаға жуық, Маңғыстау облысында, Ұлытау облысында, Қызылорда облысында, Түркістан облысының басым бөлігінде, Ақтөбе, Қостанай облыстарының қиыр оңтүстігінде, Қарағанды облысының батысында, Жамбыл облысының солтүстік-батысында нормадан аз болады деп болжанады (норма: ҚР басым бөлігінде 1-24 мм, елдің батысында, солтүстігінде, шығысында және оңтүстік-шығысында жекелеген аудандарда 25-42 мм, республиканың шығысындағы таулы аудандарда – 50-56 мм);
• қазан айында көптеген облыстарда жауын-шашын көпжылдық нормаға жақын болады, нормадан көп – солтүстік-батыс бөлігінде, республиканың оңтүстігінде, оңтүстік-шығысында және шығысында таулы және тау бөктерінде (норма: ҚР басым бөлігінде 6-24 мм, елдің солтүстігінің, шығысының, оңтүстік-шығысының басым бөлігінде 25-49 мм, республиканың батысының, орталығының, оңтүстігінің жекелеген аудандарында, республиканың оңтүстігінің, оңтүстік-шығысы мен шығысының таулы аудандарында 50-64 мм);
• қараша айында жауын-шашын елдің үлкен аумағында нормаға жуық, оңтүстік-батыстың, орталықтың, шығыстың, елдің оңтүстігінің басым бөлігінде, Алматы облысының солтүстігінде және Жетісу облысында нормадан аз болады деп болжанады (норма: елдің басым бөлігінде 9-24 мм, ҚР оңтүстігінің, оңтүстік – шығысының жекелеген аудандарында 50-82 мм).