Бәйтеректің еншілес компаниясы Орталық Азияда тікелей инвестициялардың аграрлық қорын іске қосты

Фото көзі: Байтерек

Qazaqstan Investment Corporation (QIC) АҚ («Бәйтерек» холдингінің еншілес құрылымы және Қазақстан экономикасындағы тікелей және венчурлік инвестицияларды дамыту институты) Орталық Азияда экспортқа бағдарланған аграрлық хаб құруға бағытталған Adal Fund L. P. мамандандырылған қорын іске қосты. Бұл туралы «Бәйтерек» баспасөз қызметі хабарлады.

«Мақсатты көлемі 1 млрд доллар дейінгі қор Astana International Financial Centre (AIFC) құзыретінде жұмыс істейді. QIC - 99,99% дейін үлесі бар шектеулі серіктес (L.P.). Басқарушы компания QIC-тің 100% еншілес компаниясы - Qazaqstan Investment Capital Management Ltd жеке компаниясы болып табылады. Adal Fund L. P. мандаты инвестициялауға ғана емес, сонымен қатар ауыл шаруашылығы өнімдерінің саудасы мен экспортына қатысуға мүмкіндік береді», - деп холдингте хабарлады.

QIC тұрақты Private Equity және Venture Capital экожүйесін құра отырып, келешекті жобаларға жеке капиталды тартатын кәсіби басқарушы компаниялар арқылы қор ретінде жұмыс істейді. Бүгінгі таңда QIC портфеліне жалпы активтері 2,3 млрд доллар болатын 19 қор кіреді.

Тікелей инвестициялардың аграрлық қоры Қазақстанның ауыл шаруашылығы өнімін сенімді экспорттаушы ретіндегі ұстанымын нығайту және астық және жалпы агроөнеркәсіптік сектор үшін ашық, орнықты нарықтық инфрақұрылымды дамыту мақсатында құрылды. Қосымша инвестициялар өнімділіктің тұрақты өсуін, экспорттық кірістің ұлғаюын және шикізат моделінен жоғары табысты агроөнеркәсіпке көшуді қамтамасыз ете алады.

Қор келесі мақсаттарға бағытталған:

• агробизнеске стратегиялық инвестицияларды іске асыру арқылы Қазақстан мен Орталық Азиядағы азық-түлік қауіпсіздігін нығайту;
• активтер мен инфрақұрылымды (элеваторлар, құрылыстар және т. б.) жаңғыртуды, процестерді цифрландыру мен автоматтандыруды ынталандыра отырып, әділ баға белгілеу негізінде ауыл шаруашылығы өндірушілерін қаржыландыруды қамтамасыз ету;
• астық экспортының тұрақты және мөлдір ағындарын қамтамасыз ете отырып, өндірушілерді, өңдеушілерді және логистикалық операторларды біріктіру арқылы қосылған құн тізбегін қалыптастыру;
• қосылған құнның агроазық-түлік тізбегіне ұзақ мерзімді шетелдік капиталды тарту.

«Байтеректе» Қазақстан астық пен ұнды әлемдік ірі экспорттаушылардың қатарына кіретінін атап өтті. Егіс алқабы 20 млн гектардан асады. Елдің ЖІӨ-дегі агроөнеркәсіптік кешеннің үлесі 4-5%-ды құрайды, бұл ретте секторда жұмыс күшінің шамамен 13-15%-ы (1,2-1,5 млн адам) жұмыспен қамтылған. Негізгі экспорттық әлеуетті бидай, ұн және майлы дақылдар (күнбағыс, зығыр — тез өсетін сегмент), сондай-ақ ет өнімдері қалыптастырады. Негізгі өткізу нарықтары — Орталық Азия, Ауғанстан, Қытай және Еуропалық Одақ елдері.