Азық –түлік қауіпсіздігін қамтамасыз ету үшін 32 млрд теңге бөлінеді ― Тоғжанов

Қазақстанда COVID-19 вирусын  таратпау мақсатында жасалатын шаралар аясында азық-түлік қауіпсіздігін қамтамасыз етуге 32 млрд теңгеден астам қаржы бөлінеді, деп хабарлады ҚР Премьер-Министрінің орынбасары Ералы Тугжанов.

Сонымен қатар, Ералы Тугжанов елімізде азық-түлік қоры жеткілікті деңгейде екенін атап өтті.

«Ең басты қажетті тауарлар мен өнімдер  үздіксіз жеткізілетіндігін айтқым келеді.   Үкімет орындары, өңірдегі әкімдіктер осы мақсатқа азық ― түлік қауіпсіздігін қамтамасыз ету және  қорларды толықтыру үшін 32 млрд. теңгеден астам қаражат бөлетін болады», — деді вице-премьер.

Сонымен қатар, Қазақстан негізгі өнімдер  бойынша ішкі нарықты өзі қамтамасыз етеді.

 «Бізде тек 4 тауар бойынша импорттың жоғары үлесі бар-бұл қант, тауық еті, тұз және сары май. Осы мәселелер бойынша өндіруші-экспорттаушылармен нақты келісімдер  бар. Бұл мәселеде ешқандай кедергілер болмауы керек. Жалпы алғанда біздің еліміз қазіргі кезде әлеуметтік маңызы бар тауарлардың импортына тәуелді емес»,-деп атап өтті вице — премьер.

Ол бизнес өкілдеріне келесі пікірді айтты:

«Біз бағаның негізсіз өсуіне жол бермейміз. Тиісті мемлекеттік органдар бағалардың өзгеруіне қатаң мониторинг жүргізеді, ал алыпсатарлық фактілер анықталған жағдайда ең қатаң санкциялар қолданылатын болады» — деді.

Атап айтсақ. ресми деректерге сәйкес ҚР-да қазіргі уақытта әлеуметтік маңызы бар азық-түліктің 1,2 млн.т. қоры бар, ол жарты жылға жетеді.