АШМ міндетті түрде өткізу керек картограммалардың мерзімін 2023 жылға ауыстырады

Өсімдік шаруашылығы өнімдерін арттыру және өнім сапасының өсуін субсидиялауға қатысты өткен жылы бекітілген ережеге сәйкес, 2021 жылы субсидия алу үшін фермерлер жер учаскелерінің электрондық агрохимиялық картограммасын жүйеге тіркеуі керек. Алайда, бұл норманы 2 жылға шегеру туралы шешім қабылданды. Ауыл шаруашылығы министрлігі мұндай түзетуді «Ашық НҚА» порталында жариялап, халықтың талқылауына ұсынды.

Талқылаудан кейін қабылданған жаңа бұйрық аталған Ереженің 65-тармағының 7) тармақшасының күші 2023 жылдың 1 қаңтарына дейін созылады.

Тақырыпқа байланысты оқу: 2021 жылы тыңайтқышқа субсидия алуда агрохимиялық картограмма талап етіледі

Ескерте кетерлік жағдай: Қағиданың 65-тармағы 7) тармақшасы субсидияларды төлеуді қарастырады, егер фермер өзіне тиесілі жерді пайдалану және (немесе) жеке меншік құқығындағы ауыл шаруашылық жер учаскелеріне субсидия алуда ақпараттық жүйеде электрондық агрохимиялық картограмманы тіркеуі тиіс болатын. Картограмма кем дегенде алты агрохимиялық көрсеткіш бойынша жасалуы керек: гумус, сутегі индексі (рН) су немесе тұз сығындысы, азот (нитрат немесе гидролизденетін немесе сілтілі гидролизденетін, фосфор, калий және күкірттің түрлері. Ауыл шаруашылық дақылдарын қорғалған жерде өсіру кезінде электронды агрохимиялық тіркеу картограммасы қажет емес.

Ауыл шаруашылығы министрлігі қабылданған бұйрықты өзгертудің себептерін көрсетпейді, алайда, өздеріңіз білетіндей, бүгінде фермерлердің көпшілігінде картограмма жоқ.

ElDala.kz порталы ЖШС «Қазфосфат» директоры Мұқаш Искандировпен  сұхбат барысын хабарлағанда, елде топырақтың құрамын зерттейтін зертханалардың жетіспейтіндігін айтқан болатын.

«Біздің Түркістан аймағындағыдай, Жамбыл облысында да қажетті зертханалар жоқ. Осы жылдар ішінде Ауылшаруашылығы министрлігі оларды сол ауылшаруашылық кәсіпорындарының негізінде немесе бизнесті қатыстыру арқылы әр ауылдық жерде жабдықтай алмады. Мұның бәрін жасау мүмкін еді, бірақ, өкінішке орай, олар мұны істемеді. Ал биыл топырақ картограммасын талап етуге әлі ерте. Мұны бәрі түсінеді. Сондықтан картограммалардың болуы туралы талапты кем дегенде бір жылға кейінге қалдыру керек, бірақ ресми тапсырыс болмаған кезде фермерлер оны әлі де енгізеді деп қорқады және олар субсидиясыз қалуы мүмкін. Сондықтан да субсидия алуда картограмманы талап ету ережесін тоқтату керек» деді  Мұқаш Искандиров.

Сонымен бірге топыраққа агрохимиялық талдау жасау мемлекет үшін де, фермерлер үшін де маңызды, өйткені жерді пайдалануда қажет, дұрыс қолданбаған жағдайда топырақ бұзылады және құнарлылықтың төмендеуіне әкеледі.

Еске салайық, 26 ақпанда «КҚзфосфат» Азия агрохимиялық форумын өткізеді, ол биыл бірінші рет онлайн режимінде өтеді. Форумға сарапшылар, ғалымдар, фермерлер, мемлекеттік органдардың өкілдері шақырылған.

Форумға қатысу тегін. Қатысуға келесі сілтеме арқылы немесе төмендегі нөмірлер бойынша тіркелуге болады:

+7 701 737 49 67, + 7 701 745 04 02.

Азия агрохимиялық форумының бас ақпараттық серіктесі ElDala.kz порталы болады, ол іс-шараны тікелей эфирде көрсетеді, сондай-ақ оның барлық маңызды оқиғалары туралы баяндайды.