Нығматулин АӨК-ті қаржыландырудың жаңа жолдарын табуды ұсынды

Бүгінгі отырыста парламент мәжілісі шетелдіктерге, шетел азаматтары қатысатын компанияларға, және халықаралық ұйымдарға, ауыл шаруашылық жерлерін сатуға және жалға беруге тыйым салатын заң жобасын бірінші оқылымда мақұлдады. Сонымен бірге, депутаттар агроөнеркәсіптік кешенге, оның ішінде шетелдік инвестицияларды тарту мәселесін көтерді.

Ауыл шаруашылығы министрі Сапархан Омаров ауыл шаруашылығына салынған шетелдік инвестицияларды талдау жұмысы көрсеткендей, шетелдік инвесторлар негізінен өңдеу саласына қатысатыны белгілі болды. Ал қайта өңдеу кәсіпорындары өнеркәсіптік жерлерде немесе еркін экономикалық аймақтарда орналасқан.

«Біз осы қайта өңдеу кәсіпорындарының айналасында ауыл шаруашылық кооперативтерін құрумен шетелдік капиталды қатыстыру арқылы өңдеуші кәсіпорындармен өз өндірушілеріміздің өзара байланысуын жоспарлап отырмыз. Біздің ауыл шаруашылық тауар өндірушілеріміз қайта өңдеу кәсіпорындарын шикізатпен қамтамасыз етеді және бұл кәсіпорындар ауыл шаруашылық тауар өндірушілерімізді қаржыландыратын болады», - деді Сапархан Омаров.

Осы жағдайға байланысты ол құрылтайшылары ирандықтар болып табылатын Алматы облысындағы зауыттың жұмысын мысал ретінде келтірді. Олар фермерлерді қаржыландырады, бұқалармен қамтамасыз етеді және ветеринарлық дәрі-дәрмектер береді. Өз кезегінде тауар өндірушілер зауытқа шикізат жеткізеді.

Тақырыпқа байланысты оқуАШМ банктен кепілде тұрған ауыл шаруашылық жерлерін алу мәселесін талқылауда

Мәжіліс төрағасы Нұрлан Нығматулин атап өткендей, ауыл шаруашылық жерлері туралы саяси маңызды шешім қабылданды. Бірақ Ауыл шаруашылығы министрлігінде инвестиция тартудың қосымша жолдары мен фермерлердің қаржылық ресурстарына қол жетімділік механизмдерін іздеу мәселесі тұр.

«Ашығын айту керек, бүгінде бұл үлкен мәселе - екінші деңгейлі банктерге, жалпы барлық қаржы институттарына қол жетімді болуы тиіс. Енді заңнамадағы осы өзгерісті ескере отырып, еңбеккерлерге қол жетімділіктің барлық жолдарын ойластыру қажет. Тиісінше, содан кейін инвестициялар болады. Біз жерді сатуға тыйым салумен тоқтап қалмауымыз керек. Енді осы өндірістік кешеннің қалай дамитыны туралы ойлануымыз қажет», - деді ол.

Мәжіліс спикері сонымен қатар жер реформасы жөніндегі комиссияны аграршыларды қаржыландырудың жаңа тәсілдерін іздеуге шақыруды ұсынды. Атап айтқанда, қаржы институттарының басшыларын қатыстыру арқылы алдағы отырыстардың бірін осы мәселеге арнауға болады.

«Қазір министрлік алдағы бес жылға арналған агроөнеркәсіптік кешенді дамытудың ұлттық жобасын әзірлеуде. Негізгі сұрақтардың бірі - агроөнеркәсіптік кешенді қаржыландыру жолдарын іздеу. Мен бұл мәселені жер комиссиясы аясында қарастырамыз деп ойлаймын», - деп Сапархан Омаров мәжіліс спикерін қолдады.

 

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.