Ақылбек Күрішбаев ауыл шаруашылық жерлерінің жеке меншікке берілуіне қарсы болды

Егер қазір қазақстандықтарға жеке меншік құқығы беріліп, ауыл шаруашылық жерлері латифундистердің қолына өтсе, сауда-саттыққа түсңп, алыпсатарлардың нысанына айналуы мүмкін, Бұл туралы бүгін Сенат депутаты Ақылбек Күрішбаев  жер реформасы жөніндегі комиссияның бірінші отырысында айтты.

«Менің ұстанымым бойынша- Қазақстандағы ауыл шаруашылық жерлері мемлекет меншігінде болуы керек және жеке меншікке берілмеуі тиіс. Ауыл шаруашылық жерлерінің көлемі бойынша біз әлемде алтыншы орында тұрмыз, ал жан басына шаққанда Австралиядан кейінгі екінші орындамыз (бір адамға шамамен 1,3 га егістік жерден келеді). Басқаша айтқанда, бізде халық тығыздығы өте төмен. Мемлекеттің ұлттық қауіпсіздігін қамтамасыз ету үшін біздің жер ресурстарымыздың жеке меншікте емес, тек мемлекет меншігінде болуы маңызды», - деп ойын айтты сенатор.

Ол сонымен қатар, қазіргі кезде Қазақстан экономикасы пайдалы қазбалардың игерілуіне байланысты екенін, бірақ болашақта табиғи ресурстар таусылған кезде, ауыл шаруашылығының дамуы ел экономикасына көбірек әсер ететіндігін баса айтты.

«Дәл сол кезде біздің болашақ ұрпақтарымыз ауыл шаруашылық жерлеріне қол жеткізуі керек. Яғни, өздерінің ауыл шаруашылық бизнесін дамыту үшін оларға жерді латифундистерден сатып алмай, тікелей мемлекеттен алу мүмкіндігі қажет болады», - деді Ақылбек Күрішбаев.

 Тақырыпқа байланысты оқуҚР фермерлері космомониторинг қателігінен жерлерінен айырылып қалуы мүмкін

Сонымен қатар, сенатор аграрлық секторға инвестиция салу үшін жерге жеке меншік құқығын беру қажет емес екенін атап өтті. Мұның басты шарты - бұл ең алдымен мемлекеттің тиімді аграрлық саясатының арқасында қалыптасатын ауыл шаруашылығы өндірісінің тұрақтылығы мен жоғары рентабельділігі болуы керек. Бұл бағытта ұзақ және арзан несиелер жасалып, тиімді мемлекеттік қолдау, кепілдендірілген сақтандыру жүйесін құру және ғылыми-техникалық прогресс мәселелері бойынша жұмыс жасау қажет.

Естеріңізге сала кетейік, Ауыл шаруашылығы министрі Сапархан Омаров комиссия отырысы барысында Қазақстан Республикасының азаматтарына ауыл шаруашылық жерлеріне жеке меншік құқығын беру туралы мәселені жабу қажет екенін, ал қазіргі уақытта мораторий салынғандығын айтты.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.