Мәжіліс шетелдіктерге жер сатуға тыйым салуды қолдады

Парламент Мәжілісінің депутаттары бүгін «Жер қатынастары мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» заң жобасын бірінші оқылымда қабылдады. Аталған құжат ауыл шаруашылық жерлерін шетелдік азаматтар мен шетелдіктердің қатысы бар компанияларға, халықаралық ұйымдарға және қандастарға жерді сатуға және жалға беруге толықтай тыйым салады.

Бұған дейін заң шығару құқығын пайдаланып, заң жобасын парламентке ҚР Президенті Қасым-Жомарт Тоқаев ұсынған болатын.

«Бұл заң жобасын бірінші оқылымда қабылдағаннан кейін біз ел Президентінің жерге қатысты бастамасын қолдадық. Жерді шетелдіктерге сатуға және жалға беруге заңнамалық тұрғыдан толық тыйым салу талабы- қазақстандық қоғамды мазалайтын маңызды мәселенің бірі еді. Аталған заңды жүзеге асырудың маңызы өте зор, өйткені біріншіден, бұл осы тақырыптағы барлық конструктивті емес пікірталастарды тоқтатуға мүмкіндік береді, екіншіден, жерді пайдалану саласын одан әрі жаңғырту мәселелеріне назар аударуға мүмкіндік береді», - деді мәжіліс төрағасы Нұрлан Нығматулин.

Ол сондай-ақ жер реформасы жөніндегі комиссия өз жұмысын жалғастырып жатқанын, оның мақсаты жер қатынастары саласына және жалпы алғанда, агроөнеркәсіптік кешен мәселелеріне қатысты көптеген басқа да жағдайларды шешу екенін еске салды.

«Бұл тек экономиканың ғана емес, сонымен бірге бүкіл қазақстандық қоғам өмірінің басты бағыттарының бірі. Сондықтан бүгінгі шешімнің ел өмірінде маңызы зор екені белгілі», - деп атап өтті Мәжіліс спикері.

Тақырыпқа байланысты оқуШетелдік инвесторлар ауыл шаруашылығына қатысты жобаларға қатыса алмайды

Еске сала кетейік, аталған заң жобасы шетелдіктерге жерді сатуға және жалға беруге тыйым салады, сондай-ақ шетелдіктердің қолданыстағы жерді жалдау шарттары уақытша болып табылады.

«2016 жылдың 1 шілдесіне дейін шетелдіктерге, азаматтығы жоқ адамдарға, шетелдік заңды тұлғаларға, Қазақстан Республикасының шетелдіктердің қатысуы бар заңды тұлғаларыға, халықаралық ұйымдарға, халықаралық қатынастары бар ғылыми орталықтарға жалдау негізінде берілген ауыл шаруашылығы мақсатындағы жер учаскелері үшін уақытша жер пайдалануға қатысу, сондай-ақ үміткерлер жалдау келісімшарты аяқталғанға дейін жарамды және жаңа мерзімге ұзартылмайды», - деп көрсетілген бұл құжатта.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.