Жазға қарай жұмыртқа бағасы 25% арзандауы мүмкін

Электр энергиясының қымбаттауы кейбір құс фабрикаларында жұмыртқа өнімінің бағасына әсері етуі өндірістің автоматтандырылғанына байланысты болады. Бұл туралы ElDala.kz порталының тілшісіне Қазақстанның жұмыртқа өндірушілері қауымдастығының президенті, «Шаңырақ» компаниясының басқарма директоры Максим Божко айтты.

Естеріңізге сала кетейік, сәуір айынан бастап Қазақстанда электр энергиясының тарифтері орта есеппен 25% -ға, жанар-жағармай материалдарына - 5% -ға өседі.

-Жалпы алғанда жұмыртқаның өзіндік құнында электр энергиясының үлесі 3% -дан 5% -ға дейін, - деді Максим Божко. - Біздің облыста электр энергиясының бағасы 10% -ға өсетіндіктен, бұл он жұмыртқа үшін 2 теңгені құрайды. Алайда басқа да көптеген заттардың бағасы да көтерілуде, әсіресе жемнің құны өткен күзден бастап өсуде. Майлы дақылдар 100%, күнбағыс пен соя - 70%, бұршақ - 70%, бидай мен арпа - 30% өсті.

Тақырыпқа байланысты оқу: Жұмыртқа өндіретін құс шаруашылығының тиімділігі  10%-ға төмендеді

Елде 2020 жылғы күзде болған құс тұмауының салдарынан нарықта жұмыртқалардың жетіспеушілігі байқалуда. Өндірушілер жұмыртқаға деген сұраныстың әдеттегідей азаюынан жазға қарай нарықта жағдай түзеледі деп күтәлуде. Бұл құс фабрикаларындағы сату бағасын қазіргі 400-ден 300 теңгеге дейін арзандауына әкелуі мүмкін. Бірақ сарапшылар қазіргі жемшөптің қымбаттауынан жұмыртқа бағасы сол қалпында қалуы мүмкін деп болжауда.

ҚР Ұлттық статистика бюросының 25-30 наурыз аралығындағы мониторингтік деректері бойынша тауық жұмыртқасының ең жоғары бөлшек сауда бағалары Алматы қаласында тіркелгені анықталды, он жұмыртқа бағасы -485 теңге болды. Ең арзан жұмыртқа Петропавлда - 340.

Тақырыпқа байланысты оқу: Өндірушілер бағаны келісіп көтеруді жоққа шығаруда

Бұған дейін өндірушілердің хабарлағанындай, елдегі азық-түлік бағасының күрт өсуі заңсыз түрде келісілген әрекеттермен байланысты емес, нарықтық конъюнктурамен (бірінші кезекте шикізат құнының өсуіне) байланысты.

 

Сергей Буянов

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.