Дүкендердегі жұмыртқа құны құс фабрикаларындағы бағадан екі есе жоғары

Қазақстан құс өсірушілер одағы бөлшек сауда желісіндегі жұмыртқа мен құс етінің бағасын бақылауға алуды сұрайды. Аталған Одақтың президенті Руслан Шарипов үндеуге қол қойған еді, онда соңғы айларда Бәсекелестікті қорғау және дамыту агенттігінің басты назарына айналған құс фабрикалары қазіргі уақытта жұмыртқаны өзіндік құнынан төмен бағамен сатып жатқаны хабарланды, сонымен қатар, фабрикалар мен сауда арасындағы делдалдардың түсіретін пайдасы 200% жететіндігі де хабарланды.

Құс өсірушілер одағының мәлімдеуінше, қазіргі кезде саланың басты қиындығы- жем-шөптің жеткіліксіздігі және олардың қымбат болуы, майлы дақылдардың тапшылығы, сондай-ақ құс тұмауының эпизоотиялық жағдайы. Өткен жылы Қазақстанда астық, жүгері, майлы дақылдар, жемшөп қоспалары, дәрумендер, жанар-жағармай және басқа да өнімдер қымбаттады.

Осы жағдайдың барлығы құс өнімдері бағасының өсуіне әкелді. Биылғы жылдың басында 10 дана жұмыртқаның бағасы бөлшек саудада 600 теңгеге дейін көтерілді, тұтынушылар тарапынан түрлі сын-пікірлер туындады. Бәсекелестікті қорғау және дамыту агенттігі барлық құс фабрикаларына бағаны белгілеу керектігі туралы хабарлама жіберді.

Тақырыпқа байланысты оқу: 13 ірі құс фабрикасы баға мәселесін келіскендігі анықталуы мүмкін

«Қазіргі кезде тағамдық жұмыртқаның бағасы арзандағанын, құс фабрикалары жұмыртқаны 30-31 теңгеден сататын белгілі, алайда бұл өзіндік құннан төмен екенін атап өту маңызды. Жыл маусымына байланысты құс өнімдерінің көтерме бағасы жылына орта есеппен 4-5 рет өзгереді деп айтуға болады. Бірақ дүкендер, ірі супермаркеттер жұмыртқа мен құс етін әлі күнге дейін жыл басындағы бағамен сатуды жалғастыруда, яғни орташа есеппен құс фабрикаларының көтерме бағасынан екі есе қымбат. Делдалдардың түсіретін пайдасы-маржасы 200% дейін жетеді. Құс өсірушілер одағы сарапшылары бақылау жүргізген, онда Нұр-Сұлтан қаласындағы супермаркеттердің мониторингі көрсеткендей, орташа алғанда 1 науа жұмыртқаның бағасы (30 дана) 1720 теңгеге жетеді», - деді Руслан Шарипов.

Осы мәселеге байланысты Құс өсірушілер одағы бақылаушы органдардың назарын саудада орындарындағы өнімнің өзіндік құнына аударуды сұрауда. Заңға сәйкес әлеуметтік маңызы бар азық-түлік тауарларының саудадағы үстеме құны өндірушінің сату бағасынан немесе көтерме жеткізушінің сатып алу бағасынан 15% -дан аспауы керек.

Тақырыпқа байланысты оқу: Өндірушілер бағаны келіспегендерін айтып ақталуда

«Аталған жағдайға және ауылшаруашылық өнімдері бағаларының қолжетімділігін қамтамасыз ету мақсатында Қазақстан құс өсірушілер одағы әлеуметтік маңызы бар тізімге енгізілген тамақ өнімдерін сату кезінде құс өнімдеріне қосылатын үстеме ақыны бақылауды ұсынады. Осылайша, тұтынушылардың отандық ауылшаруашылық өнімдеріне деген сұранысын қамтамасыз етуге болады»-деп айтылды жолданған сауалда.