Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Солтүстік Қазақстанда қаздардың жаппай қырылуы тіркелді
13:43
Әлеуметтік желілерде Солтүстік Қазақстан облысында үй құстарының жаппай қырылып жатқаны туралы хабарламалар бірнеше аптадан бері тарап келеді. Атап айтқанда, қаздар «белгісіз аурудан» өліп жатқаны айтылуда. Жергілікті тұрғындар мыңдаған құстың қырылғанын мәлімдейді. Ал инфекция ошақтарында әзірге ресми диагноз қойылған жоқ.
Облыстық ветеринария басқармасы БАҚ өкілдеріне берген түсініктемесінде патологиялық материалдардың зертханада зерттеліп жатқанын хабарлады. Инфекция ошақтарында дезинфекция жүргізіліп, қырылған құстар жойылуда.
Ал «БҚО Ветеринариялық дәрігерлер» қауымдастығының төрағасы, профессор Ғайса Әбсәттіров СҚО-дағы құстардың жаппай қырылуына Ньюкасл ауруы себеп болуы мүмкін деп есептейді. Ол өңірдегі әріптестерінің назарын осы мәселеге аударып отыр
«Әлеуметтік желілер мен телеарналардағы ақпаратқа қарағанда, онда Ньюкасл ауруы болуы мүмкін. Бұған велогенді (жедел) ағымға тән белгілер, яғни қысқа инкубациялық кезең, әлсіздік, есеңгіреу, іш өту, орталық жүйке жүйесінің бұзылуы және соның салдарынан жүрістің үйлесімсіздігі, құрысулар, мойынның бұралуы немесе қайырылуы сияқты симптомдар меңзейді», – деп жазды Ғайса Әбсәттіров әлеуметтік желідегі парақшасында.
Сарапшы сондай-ақ Қазақстанда 2020 жылдан бері құстардың жаппай ауруға шалдығуы мен қырылу жағдайлары кезең-кезеңімен тіркеліп келе жатқанын еске салды. 2020 жылы СҚО-да құс тұмауы өршіген болатын. Сол кезде СҚО-дағы Бескөл құс фабрикасында бір тәуліктің ішінде 180 мыңнан астам мекиен қырылған. 2025 жылы Павлодар облысы мен СҚО-да қаздар мен тауықтардың қырылуы тіркелді. Қазір СҚО-да қаздар қайтадан «белгісіз аурудан» қырылып жатыр.
«Жануар иелері шарасыз жағдайда қалып, айтарлықтай шығынға ұшырауда. Өйткені осы уақытқа дейін емдеу мен алдын алудың тиімді хаттамасы жоқ», – деп атап өтті Ғайса Әбсәттіров.
