Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Қазақстанда жауын-шашын мөлшері екі есеге көп
09 апреля 2020
Биылғы жылы Қазақстанда қыс мезгіліндегі жауын-шашын әдеттегі мөлшерден екі есеге артық. Бұл ақпаратты А.И.Бараев атындағы астық шаруашылығы ғылыми-өндірістік орталығының мамандары айтты.
Аталған ғылыми орталық мамандарының деректері бойынша Қазақстан жерінде тұрақты түрде жақсы өнім алуға ылғалдың жетіспеуі кедергі болады және бұл негізгі факторлардың бірі болып табылады.
Алайда биылғы маусым жақсы басталды.
«Биылғы жыл ауыл шаруашылығы үшін өте қолайлы болып тұр, себебі жауын — шашын мөлшері 2019 жылдың қыркүйегінен 2020 жылдың наурызына дейін көп түсті. Шортанды метеорологиялық постының бақылаулары бойынша, түскен ылғалдың орташа көлемі -245 мм, бұл көрсеткіш әдетте — 124 мм құрайды», — деп атап өтті ҒӨО мамандары.
Ағымдағы жылдың тағы бір ерекшелігі — биыл қатты аяз болмай, топырақ та қатты қатпады. Әдетте сәуір айында күн күрт жылынбай, қардың еруі баяу жүреді де ылғал жерге жақсы сіңеді.
Мұндай жағдайда ғалымдар аграршыларға көктем кезіндегі стратегиялық негізгі жұмыстарды атқаруға кеңес береді. Атап айтқанда, өндірістік емес шығындарды болдырмау арқылы топырақта ылғалды сақтап қалуды айтады. Сол себепті тұқым себуге дейін ылғалды пайдаланып, жерді тегістеу қажет.
«Топырақтағы ылғал мөлшері дақыл тұқымының шығуына, минералдық тыңайтқыштардың жақсы сіңуіне үлкен әсер етеді» — деді мамандар.
Тақырыпты оқу: Қаз АТУ ғалымдары өнім шығынын қысқартудың жолдарын айтты
