Экология министрлігі вегетациялық кезеңнің қорытындысын жасады

Ағымдағы вегетациялық маусымда Қазақстан бұрынғысынша су мөлшері аз аймақ болып қалды. Дегенмен, оңтүстік өңірлерде су тапшылығына жол берілмеуде. Бұл туралы Экология, геология және табиғи ресурстар министрлігінің баспасөз қызметінен хабарлады.

ҚР-дағы суармалы судың 97% -ын Түркістан, Қызылорда, Жамбыл және Алматы облыстарының фермерлері тұтынады. Елдегі судың мөлшері аз екендігі ескеріле отырып, жыл басынан бері Ауыл шаруашылығы министрлігімен бірлесіп өңірлерге барып, фермерлерге әлеуетті тәуекелдер мен күрделі вегетациялық кезеңге дайындық қажеттілігі туралы айтып берді. Нәтижесінде суармалы сумен қамтамасыз ету бойынша шаралар әзірленді.

Түркістан облысында мақта егілген алқап 17,9 мың га, Қызылорда облысында күріш алаңы - 7,1 мың га, Алматы облысында - 2,4 мың га қысқартылды.

Сонымен қатар, суару кезегінің кестесі дайындалды, қосымша су сорғылар орнатылды, ал дренаждық сулар қайта пайдаланылды.

Вегетациялық кезең басталғанда Қырғызстандағы «Тоқтоғұл» су қоймасы 52% -ға толғанына қарамастан, Сырдария өзенінің жоғарғы жағындағы елдермен (Қырғызстан, Тәжікстан және Өзбекстан) келіссөздер нәтижесінде Түркістан және Қызылорда облыстарының фермерлері «Тоқтоғұл» және «Бахри Точик» су қоймаларынан қосымша 700 млн текше метр су алынды, бұл былтырғымен салыстырғанда 24%. 

Экология министрлігінің ақпараты бойынша, Шу-Талас бассейнінде де жағдай күрделі. Бірақ қырғыз тарапымен бірнеше мәрте жасалған келіссөздердің нәтижесінде Жамбыл облысының шаруа қожалықтары ағынды сумен қамтамасыз етілді.

Тақырыпқа байланысты оқу:  ҚазҰАЗУ шаруашылығының базасында Valley демонстрациялық алаң ашылады

«Ағымдағы жылдың тәжірибесі бойынша жасалған шаралардың тиімді екендігі анықталды. Алайда біз суды ұтымды пайдалануға көшіп, суды қолдануда цифрландыру және қазіргі заманғы су үнемдеу технологияларын пайдалануымыз керек, сонымен қатар қолданыстағы каналдарды қайта жөндеу жұмыстарын жеделдету қажет», - деп атап өтті ЭГТРM басшысы Мағзұм Мырзағалиев.

Естеріңізге сала кетейік, Қазақстанның алты облысында 2025 жылға дейін жалпы көлемі 1,7 млрд текше метр болатын 9 жаңа су қоймасын салу жоспарланған. Бұл қосымша 195 мың га суармалы жерді қолданысқа енгізуге мүмкіндік береді.