ҚР жүк жөнелтушілері алымдар мен айыппұлдардан босатылды

"ҚТЖ" ҰК" АҚ ҚР барлық өңірлерінде төтенше жағдай кезеңінде жүк тасымалдаумен байланысты айыппұлдарды, алымдарды және төлемдерді алып тастады. Шешім "Атамекен" ҰКП үндеуін ескере отырып, "Теміржол көлігі туралы" ҚР Заңы аясында қабылданды. Бұл туралы ҚТЖ баспасөз қызметі хабарлады.

Атап айтқанда: жүктерді тасымалдау жоспары бойынша өтінімді орындамағаны үшін айыппұл; жүк жөнелтушілердің, жүк алушылардың, тармақ иеленушілердің, вагондар (контейнерлер) иелерінің кінәсінен болған меншікті (жалға алынған) вагондардың тұрып қалғаны, магистральдық, станциялық жолдарда контейнерлердің кідіргені үшін төлемақы есептелмейді.

Тақырып бойынша оқу: Астық Транс тарифтерін шілдеге дейін тоқтатпақ

Бұдан басқа, форс-мажорлық жағдайларға байланысты жүк алушыларға жүктің межелі станцияға келгені туралы хабарланған сәттен бастап 48 сағаттан артық тұрып қалған жүктерді сақтағаны үшін алым 10 еселік емес, бір еселік мөлшерде алынады.

Естеріңізге сала кетейік, ТЖ режимі 5 қаңтарда Қазақстанның барлық өңірлерінде 2022 жылғы 19 қаңтарға дейінгі мерзімге енгізілген болатын. ҚР Президенті Қасым-Жомарт Тоқаев 12 қаңтарда Солтүстік Қазақстан, Павлодар және Батыс Қазақстан облыстарындағы төтенше жағдайды жою туралы жарлықтарға қол қойды.