Қытай мен Өзбекстан астық тиелген вагондарды өткізіп үлгере алмауда

1-10 қазан аралығында қазақстандық теміржолшылар Орталық Азия мен Қытай елдеріне жіберілген жүктерді қабылдамауда. Алайда, егер Өзбекстан тарабы вагондарды өткізіп үлгеріп, міндеттемелерін орындай бастаса, Орталық Азия бағытындағы шектеулердің мерзімі қысқаруы мүмкін. «КТЖ-Жүк тасымалы» ЖШС бұл туралы KazGrain ұлттық экспорттаушылар қауымдастығының сұрауына жауап ретінде айтты.

Теміржолшылардың мәліметтері бойынша, 1 қазандағы жағдай бойынша, Қытайға («Достық» бекеті арқылы) жіберілуі керек вагондардың саны 9 256 вагон / 185 пойызды құрайды (нормасы 5488 вагон / 110 пойыз). Оның ішінде 4400 вагон / 88 пойыздың қозғалысы уақытша тоқтатылды.  Ал тағы «астық» тиелген 754 вагон / 15 пойыз бар, оның ішінде 397 вагон / 8 пойыздың қозғалысы уақытша тоқтатылған.

«Вагондардың шамадан көп жиналуы және пойыздардың кестеден кешігуінің себебі - карантиндік шаралармен байланысты. Алашанькоу станциясындағы жүктерді түсіріп, қайта тиелуіне байланысты вагондар жиналып қалған. Қытай тарапының Достық түйіспесі арқылы тауарларды қабылдауының ұзақ болуы, СЭС-тің жұмысы әсер етуде», - деп түсіндірді «ҚТЖ-Жүк тасымалы» компаниясында.

 Тақырып бойынша оқу: Өзбекстанға астық және ұн жөнелту тоқтатылды

Сондай-ақ, 1 қазандағы жағдай бойынша Сарыағаш түйіспесі арқылы Орталық Азия елдеріне жеткізу үшін тиелген вагондардың саны 10 119 вагон / 202 пойызды құрады (норма бойынша 4 675 вагон / 93 пойыз), оның ішінде жүк тасымалдауы тиіс уақытша тоқтатылған 2 592 вагон / 52 пойыз болды, оның арасында:

• астық тиелген -640 вагон;

• тас көмір тиелген -384 вагон;

• ұнтақталған дәндер- 150 вагон.

«Вагондардың бұлай тұрып қалуына және пойыз қозғалысының кешігуіне Өзбекстан тарапының вагондарды уақтылы өткізбеуі себеп болды. Бірлескен келісім бойынша олар күніне 30 пойыздан өткізуі тиіс еді, алайда қыркүйек айында күніне 23 пойыз / 1151 вагон өтті», - дейді теміржолшылар.

Сонымен қатар, «ҚТЖ-Жүк тасымалында» атап көрсетілгеніндей, өзбек тарапы 1 қазаннан бастап станциядан 30 жүк пойызын шығаруды қамтамасыз етеді деп сендіреді. Егер бұл уәде орындалса, жүк тиеуді шектеудің күші 10 қазаннан ерте аяқталуы мүмкін.