ҚР көрші елдерге ауыл шаруашылық өнімдерін жеткізетін логистиканы біріктіруді ұсынады

Қазақстанның сауда және интеграция министрлігі Қырғызстан мен Тәжікстанға ауыл шаруашылық өнімдерін жеткізудің логистикалық жүйелерін біріктіруді ұсынды. Бұл туралы СИМ-нің баспасөз қызметі хабарлады.

Осы аптада Сауда министрі Бақыт Сұлтановтың басшылығымен үкіметтік делегация Қырғызстан үкіметімен бірқатар кездесулер өткізді. Аталған келіссөздер барысында Бішкекте жемістер мен көкөністерді, сүт өнімдерін өндіру және қайта өңдеу бойынша бірлескен кәсіпорындар құру ұсынылды, сонымен бірге алдағы уақытта Сауда-логистикалық орталығын кеңейту бойынша маңызды жұмыс бастау ұсынылды.

«Біздің елдердің сауда-логистикалық орталығын интеграцияланған дистрибуция жүйесінің бір бөлігі ретінде қарастыруды ұсындым, бірақ сонымен бірге оны өнеркәсіптік кооперация кәсіпорындарының базасы ретінде қолдануды ұсындым: мұнда жемістер мен көкөністер, сүт және астықты қайта өңдеу жасалатын болады. Біз «Қарасу - Ақ тілек» өткелінде КТО салуды ұсынамыз және тиісті инфрақұрылыммен қамтамасыз етуге, жер учаскесін бөлуге дайынбыз. Біздің есептеулеріміз бойынша, Қырғызстаннан Ресей нарығына көкөністер мен сүт өнімдерін тасымалдау, тауарларды жіберу жүйесі аясындағы жобамыз Бішкекпен жылына $50-100 млн деңгейінде болады: біздің КТО-ны біріктіру арқылы біз Ресейдегі тауарларды жеткізудегі қиындықтар  мен кедергілерді жоя аламыз», - деп жазды Бақыт Сұлтанов келіссөздер қорытындысы бойынша Facebook бетінде.

Тақырыпқа байланысты оқу: Сауда министрлігі жаңа жүйе іске қосылғанда азық-түлік тауарларының бағасы 45% -ға дейін төмендеуі мүмкін деп болжауда

Сонымен қатар, Қазақстан Қырғызстанды ЕАЭО елдерінен импортталатын тауарларға «ең төменгі бақылау бағасы» механизмін (ТББ) енгізгеннен кейін кедергілердің туындағанын, соны жоюға шақырды. Нәтижесінде қазақстандық экспорт тауарларының бағасы ұн, күріш, жұмыртқа, сыра, май, маргарин, макарон, күнбағыс майы және қарақұмық жармалары нарықта бәсекеге төтеп бере алмауда.

Тараптар бұл мәселелерді сәуір айының басына жоспарланған Қазақстан-Қырғызстан үкіметаралық кеңесінің (ҮАК) келесі отырысының күн тәртібіне енгізуге келісті.

Сондай-ақ, тауарларды сатуға арналған мемлекетаралық жүйені құру мәселесі Сауда және интеграция вице-министрі Қайрат Төребаевтың Душанбе қаласына сапары барысында талқыланды. Ауыл шаруашылығы вице-министрі Негина Анваримен кездесу барысында ол Қазақстанның Тәжікстанда 3 көтерме сауда орталығын салуды жоспарлап отырғанын айтты. Қазақстандық мамандардың Хотлон және Согды облыстарына баруын ұйымдастыру туралы келісімге қол жеткізілді.

Тақырыпқа байланысты оқу: Тоқаев  ЭЫҰ елдеріне ауыл шаруашылық өнімдерінің бірлескен логистикасын құруды ұсынды

Тәжікстан елі қажетті ауыл шаруашылығы өнімдерін экспорттауға қатысты барлық керекті деректерді ұсынады. Өз кезегінде, Қазақстан жеміс-жидек пен көкөніс өндірісінің жағдайын анықтап, зерттеуге және фермерлік шаруашылықтарды ұйымдастыруға қызығушылық танытты.

Қазақстан-тәжік бизнес форумы барысында Қайрат Төребаев аймақтағы көрші елдер арасында тауарларды тарату жүйелерін құру бойынша жобалар жүзеге асырылып жатқанын хабарлады. Өзбекстан 8 КТО, Қырғызстан 4 КТО құруды жоспарлап отыр. Егер Тәжікстанда осындай жүйе құрылса, оны да бірыңғай еуразиялық желіге қосуға мүмкін болады.

 

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.