Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Қазақстандық ғалымдар шөп шапқыш тиімді техника ойлап тапты
24 июня 2020
Ауылшаруашылық инженерия ғылыми-өндірістік орталығының (ҰАҒБО-ның еншілес кәсіпорны) ғалымдары табиғи шөп шабу мен азықтық шөптерды оруға арналған шапқыш ойлап тапты. Бұл туралы Ұлттық аграрлық ғылыми-білім беру орталығының баспасөз қызметінен хабарлады.
Фермерлер мен ауыл шаруашылық кәсіпкерлерінің өтініші бойынша Орталық ғалымдары «КП-3 шөп шапқыш-кондиционері» механизмін жасады. Шөп оратын құрылғы шөптің сабақтарын шауып, бір уақытта тегістеп, орылған өнімді жинап салуға мүмкіндік береді. Тапсырыс берушілердің өтініші бойынша, аталған техникамен тек шөп шабуға да болады.
Сондай-ақ, шабылған шөпті жинау үшін де пайдалануға болады.
Құрылғыда екі шапқыш пышақ механизмі қолданылады. Шөп шапқыш 1,4 тартқыш санатты тракторларға тіркеледі. Шапқыштағы иіннің жылдамдығы мен инерциялық жүктемесі 1,6 есеге азаяды.
«Агроинженерия ғылыми-өндірістік орталығы» ЖШС ҰАҒБО ЖШС -мен және технологиялық зерттеу ұйымдарымен, машина жасау кәсіпорындарымен өзара бірлесіп жұмыс істейді. Атап айтқанда, ауылшаруашылық дақылдарын өсіру, мал бордақылау және азықтандырудың технологиялары үшін жаңа техникалық құралдарды жасайды және жаңалықтарын зауыттарға тапсырады. Бұл аграрлық секторды техникамен қамтамасыз ету мәселелерін шешетін Қазақстандағы жетекші ғылыми мекеме болып табылады.
