Қазақстанда ұн және астық экспортына квота енгізілетін болады

Қазақстан Республикасының Ауыл шаруашылығы министрлігі осыған дейін ұн экспортына салынған тыйымды астық квотасымен ауыстыру туралы шешім қабылдады, деп  хабарлады аграрлық ведомстваның баспасөз қызметі.

Хабарламада айтылғандай, бұл квота коронавирустың таралуына байланысты жарияланған төтенше жағдай кезінде елдің астыққа  (азық көлемін сақтау және тамақ өнеркәсібіндагі қайта өңдеуге) және ұнға деген ішкі қажеттіліктерді қамтамасыз ету үшін енгізіліп отыр.

Квотаның мөлшері туралы және оны бөлудің механизмі туралы Ауыл шаруашылық министрлігі кейін хабарлайтын болады.

Сонымен қатар АШМ – ның баспасөз қызметі республикадағы астық қорының мөлшері жайлы айтты.

ҰЭМ-ның статистика комитеті 2020 жылдың 1 наурызында Қазақстанда 9,2 млн тонна астық бар екендігін мәлімдеді. Оның 6,4 млн тоннасы азық түлік үшін, ал 1,5 млн тонна себу үшін, ал қалған 1,3 млн тонна мал азығы үшін сақталып тұр.

Естеріңізге сала кетейік, ҚР Ауыл шаруашылығы министрлігінің  2020 жылдың 22 наурыздағы бұйрығы бойынша бидай, қара бидай ұнына және тағы басқа азық түлік өнімдерін елден шығаруға тыйым салынған болатын.

 Аталған шешімнің ауыл шаруашылығы саласына кері әсер ететіндігін астық өндірушілер айтқан еді.