Қазақстанда жаңа піскен егінді сақтау үшін қоймаларды дайындауға кірісті

Қазақстанның оңтүстігінде диқандар егін жинауды жалғастыруда, ал республиканың басқа аймақтарында егін жинауға дайындық жүріп жатыр. Бұл туралы Ауыл шаруашылығы министрлігінің баспасөз қызметінен хабарлады.

Еліміздің оңтүстік аймақтарында картоп, көкөніс, бақша дақылдары мен күздік дақылдар жиналуда. Қазірдің өзінде 93 мың тонна бидай мен 26 мың тонна арпа жиналып,бастырылды.

Әкімдіктердің соңғы мәліметтері бойынша, қазіргі уақытта жалпы Қазақстан Республикасында дәнді және бұршақ дақылдарың шығу жағдайы жақсы алқаптар (48%), қанағаттанарлық (49%) және қанағаттанарлықсыз (3%) деп бағалануда. Дәнді дақылдардың көктеп шығу кезеңіндегілері (31%), сабағымен шығу (55%) және дәні шығуы (12%). Алдағы уақытта дақылдардың жалпы өсуі климаттық жағдайларға және уақтылы тыңайтқыштармен өңделуіне байланысты болады.

Қазіргі уақытта өңірлерде жаңа егінді жинауға дайындық жұмыстары басталды. Атап айтқанда, элеваторлар мен астық қоймаларын дайындау шаралары жасалуда. Республикада 189 лицензиялық астық қабылдау кәсіпорны бар, олардың жалпы егін сақтайтын қамбаларының сыйымдылығы шамамен 12,4 млн. тонна болады.

Сонымен қатар, фермерлер мен лицензиясы жоқ шаруашылықтар 14,7 млн ​​тонна астық сақтауға мүмкіндіктері бар. Осылайша, 27 млн. тоннадан аса астықты сақтауға болады.

«Қазіргі уақытта барлық лицензияланған астық қабылдау кәсіпорындары өз элеваторларының материалдық-техникалық базасын дайындауға кірісті. Астық тазартқыш машиналардың, астықты кептіруге арналған жабдықтардың дайындығын тексеріп, зиянкестерден тазарту, залалсыздандыру шараларын жүзеге асыруға ерекше көңіл бөлінуде», - деді Ауыл шаруашылығы министрінің бірінші орынбасары Айдарбек Сапаров ОКК брифингінде.

Естеріңізге сала кетейік, Қазақстан Республикасында биыл  22,5 млн гектар алқапқа егін егілді. Ауыл шаруашылығы министрлігінің хабарлауынша, көктемгі дала жұмыстары  уақтылы жүргізілді. Короновирустық пандемияға байланысты шектеулерге қарамастан, фермерлер уақтылы жеңілдетілген отынмен, сапалы тұқымдармен, тыңайтқыштармен және жабдықтармен қамтамасыз етілді.

Мемлекеттік қолдау көлемінің артуының арқасында Ауыл шаруашылығы министрлігі минералды тыңайтқыштармен қамтамасыз етті. Биыл диқандар топыраққа шамамен 450 мың тонна қоспа қосып, жерді тыңайтты.

Қазіргі уақытта Ауыл шаруашылығы министрлігі дақылдарды, әсіресе шегіртке зиянкестерінен дұрыс және дер кезінде қорғануды қамтамасыз етуді маңызды деп санайды. 2020 жылы зиянкестермен күресуге республикалық және жергілікті бюджеттерден 1,5 миллиардтан астам теңге бөлінді. Жәндіктердің таралу ошақтарын анықтау үшін мыңнан астам маман жұмылдырылды. GPS навигаторлары мен трекерлерінің көмегімен олар шамамен 40 млн га ауылшаруашылық жерлерін зерттеп, бақылайды. Сондай-ақ, химиялық өңдеулерге 150-ге жуық арнайы техника қолданылатын болады, авиациялық және жеңіл ұшақтар, бүріккіштер және аэрозольдік газ генераторлары қолданылатын болады.

Қазіргі уақытта Жамбыл және Түркістан облыстарында мароккалық шегірткелерге қарсы химиялық өңдеу шаралары аяқталды, итальяндық прус, азиялық шегірткелер және басқада зиянкестерді жою жұмыстары жүргізілуде.